ლერი მეძმარიაშვილი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1959 წელს.

მუშაობდა "თბილქალაქპროექტში" 1972 წლამდე და "საქქალაქმშენპროექტში" 1991 წლამდე. 1991-2001წწ. იყო საქართველოს ისტორიისა და კულტურის ძეგლთა დაცვის მთავარი სამმართველოს უფროსი (ახლა ძეგლთა დაცვის დეპარტამენტი), კულტურის მინისტრის მოადგილე. ძირითადი ნამუშევრები: თსუ ახალი კომპლექსი (ავტორთა ჯგუფთან ერთად); 1967-1977წწ. უნივერმაღ "თბილისის", ა. გრიბოედოვის სახელობის რუსული დრამატული თეატრისა და მეტროპოლიტენის სადგურის "თავისუფლების მოედნის" მიწისზედა ვესტიბიულის კომპლექსი (ავტორთა ჯგუფთან ერთად); თეატრები ცხინვალსა და სოხუმში; მუსიკალურ-კულტურული ცენტრი დავით აღმაშენებლის პროსპექტზე (მ ჩაჩანიძესთან ერთად); ჩაის სახლი ი. ჭავჭავაძის პროსპექტზე (დ. მორბედაძესთან ერთად); საქართველოს სასოფლო მშენებლობის სამინისტროს ადმინისტრაციული კორპუსი (რ. ბაირამაშვილთან და ი. ყავლაშვილთან ერთად); საცხოვრებელი მრავალსართულიანი სახლი "მრგვალ ბაღთან" (რ. ბაირამაშვილთან ერთად); პედაგოგიური ინსტიტუტი ცხინვალში; სამუსიკო სკოლა ხაშურში; საქ. სსრ მინისტრთა საბჭოს მრავალფუნქციური შენობა პ. ჩაიკოვსკის ქუჩაზე და სხვა.

წყარო : თბილისი: ენციკლოპედია.- თბ., 2002. - გვ.671; საქართველოს არქიტექტორთა და მშენებელთა ენციკლოპედია. -თბ., 2017.-გვ.405

• საქართველოს საინჟინრო აკადემია, აკადემიკოსი
• საქართველოს სამშენებლო აკადემია, წევრ-კორესპონდენტი (1996-)

• 1981 - საქართველოს სახელმწიფო პრემია
• 1978 - საქართველოს დამსახურებული არქიტექტორი