ანდრო ლეჟავა

დაბადების ადგილი: ქ. სიღნაღი.

დაამთავრა თბილისის მასწავლებელთა ინსტიტუტი 1893 წელს.

რევოვოლუციურ მოძრაობაში ჩაება 90-იან წლებში. მისი ბინა თბილისის ერთ-ერთ უბანში, ჩუღურეთში, რევოლუციურად განწყობილი მოსწავლე - ახალგაზრდობის შეკრების ადგილად იქცა. 1893 წლიდან რევოლუციურ მოღვაწეობას ეწეოდა სმოლენსკში, სადაც დააპატიმრეს არალეგალური სტამბის მოწყობისთვის. 2 წელზე მეტი დაჰყო პეტრე-პავლეს ციხეში, 5 წელი გადასახლებაში იყო იაკუტიაში. გადასახლების შემდეგ პარტიული მუშაობა განაგრძო ვორონეჟში, ნიჟნი-ნოვგოროდში (ახლანდელი გორკი), სარატოვსა და მოსკოვში. 1919-1920 წწ. "ცენტროსოუზის" თავმჯდომარე; 1921-1922 წწ. საგარეო ვაჭრობის სახალხო კომისრის მოადგილი; 1922-1924 წწ. საშინაო ვაჭრობის სახალხო კომისარი; 1924-1930 წწ. რსფსრ სახკომსაბჭოს თავმჯდომარის მოადგილე; ერთდროულად რსფსრ სახელმწიფო საგეგმო კომიტეტის თავმჯდომარე; 1930-1937 წწ. სსრკ სუბტროპიკული კულტურების მთავარი სამმართველოს უფროსი, პარტიული ყრილობების დელეგატი. საბჭოთა პარტიული და სახელმწიფო მოღვაწე.

წყარო: ქართული საბჭოთა ენციკლოპედია: ტ. 6.-თბ., 1983.-გვ.54; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.341-342

• კომუნისტური პარტია , წევრი (1904-)