ელიზბარ მინდელი

დაბადების ადგილი: სოფელი სორი, ონის რაიონი.

დაამთავრა საქართველოს ინდუსტრიის ინსტიტუტის სამთო ფაკულტეტი 1931 წელს.

1933-1937წწ. მუშაობდა მოსკოვის მეტროპოლიტენის მშენებლობაზე; 1937-1954წწ. სსრკ ნახშირის მრეწველობის სისტემაში ხელმძღვანელ თანამდებობებზე; 1954-1973წწ. ქ. მოსკოვის აკად. ა. სკოჩინსკის სახელობის სამთო საქმის ინსტიტუტის ლაბორატორიის ხელმძღვანელი და განყოფილების უფროსი; 1973-1980წწ. იყო საქართველოს მეცნიერებათა აკადემიის გ. წულუკიძის სახ. სამთო მექანიკის ინსტიტუტის დირექტორი; მისი სამეცნიერო შრომები ეძღვნება საშახტო მშენებლობის, ქანის რღვევის პროცესებისა და ღრმა ჰორიზონტებზე ქანების გამოტყორცნის ფიზიკის საკითხებს, აფეთქებით ლითონების განმტკიცებას და სხვა. მიღებული აქვს სახელმწიფო ჯილდოები. თბილისში არის ელიზბარ მინდელის ქუჩა. მეცნიერი სამთო ქიმიის დარგში, ტექნიკურ მეცნიერებათა დოქტორი (1962), პროფესორი (1964).

წყარო: თბილისი: ენციკლოპედია.- თბ., 2002. - გვ.678; წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 198-199

• საქართველოს მეცნიერებათა აკადემია, წევრ-კორესპონდენტი (1979-)

• 1979 - საქართველოს მეცნიერებათა დამსახურებული მოღვაწე
• 1970 - რსფსრ მეცნიერებისა და ტექნიკის დამსახურებული მოღვაწე
• შრომის წითელი დროშის ორდენი
• ლენინის ორდენი (სამი)

• Заметки о прошлом : Сборник (ავტორი). - Москва, Вердана, 2010. - 264с.