თამარ ვაშაკიძე

დაბადების ადგილი: ქ.თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი ქართველური ენების სპეციალობით.

1980 წლიდან მუშაობს არნ. ჩიქობავას სახელობის ენათმეცნიერების ინსტიტუტში. 2000 წლიდან არის ამავე ინსტიტუტის ქართული მეტყველების კულტურის განყოფილების ხელმძღვანელი. 1996-2006 წლებში პედაგოგიურ საქმიანობას ეწეოდა ს. ს. ორბელიანის სახელობის სახელმწიფო პედაგოგიურ უნივერსიტეტში. თამარ ვაშაკიძის კვლევის მიმართულებებია ქართული ენის მორფოლოგიის, სინტაქსის, სემანტიკის საკითხები. მეტყველების კულტურასა და ორთოგრაფიასთან დაკავშირებული პრობლემები: კომპიუტერული ლინგვისტიკა. იგი არის ავტორი მონოგრაფიისა "ზმნის აღწერითი წარმოება ძველ ქართულში" (1993). მისი ხელმძღვანელობითა და რედაქტორობით გამოცემულია ლექსიკონები. მათ შორის "ჟურნალისტის ორთოგრაფიულ-სტილისტიკური ლექსიკონი" (2009) და "პარონიმების ლექსიკონი" (2010). ფილოლოგიის მეცნიერებათა დოქტორი (1995), პროფესორი (2001).

წყარო: საქართველო: ენციკლოპედია: ტ.III.–თბ., 2014.-გვ.197

• ქართული სიტყვის კულტურის საკითხები : სტატიების კრებული (ავტორი) // წ. 13. - თბილისი, თსუ გამ-ბის სტ., 2013. - 220გვ.
• მოსწავლის ორთოგრაფიულ-სტილისტიკური ლექსიკონი (რედაქტორი). - თბილისი, მერიდიანი, 2012. - 460გვ.
• ჟურნალისტის ორთოგრაფიულ-სტილისტიკური ლექსიკონი (რედაქტორი) // წ. 1. - თბილისი, უნივერსალი, 2009. - 270გვ.
• ზმნის აღწერითი წარმოება ძველ ქართულში (ავტორი). - თბილისი, 1993. - 358გვ.