მერაბ მიქელაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1948 წელს.

1953-1960წწ. მუშაობდა საქართველოს მეცნიერებათა აკადემიის ა. რაზმაძის სახ. მათემატიკის ინსტიტუტის დრეკადობის თეორიის განყოფილებაში უფროს მეცნიერ თანამშრომლად. 1960-1982წწ. იყო საქართველოს პოლიტექნიკური ინსტიტუტის სამშენებლო მექანიკის კათედრის გამგე. 1965 წლიდან გარდაცვალებამდე - საქართველოს მეცნიერებათა აკადემიის მათემატიკის ინსტიტუტის გამოყენებითი მექანიკის განყოფილების გამგე. მისი ძირითადი შრომები ეხება ანიზოტროპიული პლასტიკური გარსების თეორიას, მანქანებისა და კონსტრუქციების ელემენტების დრეკადობასა და პლასტიკურობას. მეცნიერი სამშენებლო მექანიკის დარგში, ტექნიკურ მეცნიერებათა დოქტორი (1958), პროფესორი (1960).

წყარო:თბილისი: ენციკლოპედია.- თბ., 2002. - გვ.681; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• საქართველოს მეცნიერებათა აკადემიის წევრ-კორ. (1988-)

• 1986 - საქართველოს მეცნიერებისა და ტექნიკის დამსახურებული მოღვაწე

• პლასტიკურობის თეორია (ავტორი). - თბილისი, მეცნიერება, 1990. - 126გვ.