ედიშერ სავიცკი

დაბადების ადგილი: ქ. თბილისი.

1994-1998წწ. სწავლობდა ვანო სარაჯიშვილის სახელობის თბილისის სახელმწიფო კონსერვატორიაში(საფორტეპიანო).

1998 წელს აშშ, ინდიანას შტატის უნივერსიტეტის ლ. თორაძის საფორტეპიანო სტუდიის სტუდენტი; 1999 წელს სანტა-ბარბარას(აშშ, კალიფორნია) მუსიკალური აკადემიის სტუდენტი; 6 პიანისტიდან ერთ-ერთი, რომელიც ჩაირიცხა "Ravinia Steans Music Institute"-ში(2001, ჩიკაგო); 2007 წელს შედგა დებიუტი კარნეგი-ჰოლის(ნიუ-იორკი) სცენაზე; 2013 წლიდან არის მიჩიგანის შტატის(აშშ) უნივერსიტეტის დოქტორი, 2014 წლიდან ალაბამას(აშშ) სახელმწიფო კონსერვატორიის პროფესორი; ფესტივალების: გილმორი, რური, ზალცბურგი, რავინია მონაწილე; აქვს გამოსვლები ცნობილ ორკესტრებთან; ქართული რეპერტუარი: რ. ლაღიძე რონდო-ტოკატა, ი. ბარდანაშვილი "ფანტაზია"; სხვა რეპერტუარი, კონცერტები: ბეთჰოვენი N1, 5, სამმაგი, ბრამსი N1, 2, "სიკვდილის ცეკვები", რახმანინოვი N2, 3, პროკოფიევი N2; კამერული რეპერტუარი: ი. ს. ბახი, სკარლატი, მოცარტი, შუმანი, შოპენი, დებიუსი, ფრანკი, პროკოფიევი; არის კონკურსების ლაურეატი: "ახალი სახელები" (რუსეთი), უილიამ ს. ბიორდის სახელობის კონკურსის II პრემია (1999), I პრემია (მინეაპოლისი, ჰილტონ-ჰედ-აილენდი, 2001). პიანისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 412