მანანა მნათობიშვილი

დაბადების ადგილი: ქ. თბილისი.

დაამთავრა საქართველოს ფიზიკური კულტურის ინსტიტუტი 1984 წელს.

მსოფლიოს და ევროპის  ორგზის მეორე პრიზიორი ცალკეულ ვარჯიშებში (1980); მსოფლიოს თასის გათამაშების მეორე პრიზიორი (1981, გამარჯვებული ცალკეულ ვარჯიშებში); სსრკ თასის მეორე პრიზიორი (1979), სსრკ მოსწავლეთა XV სპარტაკიადის მეორე პრიზიორი (1978); გამოდიოდა ქალთა სამეულში ნ. კიკილაშვილთან და მ. შილაკაძესთან ერთად. ასევე  სსრკ ჩემპიონატის მეორე პრიზიორი წყვილებში (1984). მწვრთნელი  ვ. გურგენიძე; 2006-2007წწ. საქართველოს სახელმწიფო ფიზიკური აღზრდისა და სპორტის აკადემიის აკადემიური საბჭოს წევრი; 2007-2011წწ. ილიაუნის ბიზნესისა და სამართლის ფაკულტეტის ცენტრის "სპორტის აკადემია" კურიკულუმის ექსპერტი, სრული პროფესორი; საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის სრული პროფესორი (2014) და ხარისხის უზრნველყოფის სამსახურის უფროსი (2014-2020); მასწავლებელთა პროფესიული განვითარების ეროვნული ცენტრის სპორტის საგნობრივი ექსპეტრი (2020); 2011-2022წწ. სასერტიფიკაციო ტრენინგების და გადამზადების ტრენერი, ექსპერტი; საქართველოს განათლებისა და მეცნიერების სამინისტროს ეროვნული სასწავლო გეგმებისა და შეფასების ცენტრის მოწვეული ექსპერტი (2010, 2011, 2017); სპორტის მეცნიერების მიმართულებით მონოგრაფიის, მეთოდური სახელმძღვანელოების და მრავალი ნაშრომის ავტორი. სპორტსმენი (აკრობატიკა, ქალთა სამეული), საქართველოსა და საერთაშორისო ტურნირების  მრავალგზის გამარჯვებული, პედაგოგიკის მეცნიერებათა კანდიდატი (2003).

 წყარო: თბილისი : ენციკლოპედია.- თბ., 2002. - გვ.683

• 2009 - საქართველოს სპორტის დამსახურებული მუშაკი
• 1982 - სსრკ თასის მფლობელი
• 1981 - სსრკ ჩემპიონი
• 1981 - სსრკ თასის მფლობელი
• 1980 - მსოფლიოს ჩემპიონი (აბსოლუტური ჩემპიონი)
• 1980 - სსრკ თასის მფლობელი
• 1980 - სსრკ ჩემპიონი
• 1980 - ევროპის ჩემპიონი (აბსოლუტური ჩემპიონი)
• 1979 - საერთაშორისო კლასის სპორტის ოსტატი
• 1979 - სსრკ ჩემპიონი (ახალგაზრდებს შორის)
• 1979 - სსრკ ჩემპიონი
• 1978 - სსრკ სპორტის ოსტატი