
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

გიორგი სალუქვაძე

Date of birth:	25 June, 1913
Date of death:	15 June, 1990 (at 76 years)
Burial location:	სოფელ ცხემლისხიდის სასაფლაო, ოზურგეთის მუნიციპალიტეტი
Category:	Inventor, Engineer, Singer, Dancer, Educator, Choreographer

Biography

დაბადების ადგილი: სოფელი უჩხუბი, ოზურგეთის რაიონი.

დაამთავრა თბილისის კიროვის სახ. ინდუსტრიული ინსტიტუტი 1939 წელს.

მეორე მსოფლიო ომის მონაწილე. 1941-1946 წლებში საბჭოთა არმიის რიგებში იმყოფებოდა. 1947 წლიდან მუდმივ საცხოვრებლად გადავიდა მშობლიურ, მახარაძის (დღევანდელი ოზურგეთის) რაიონში და მუშაობდა სხვადასხვა საპასუხისმგებლო თანამდებობებზე. იყო ქ. მახარაძის N1 ჩაის ფაბრიკის მთავარი ინჟინერი, დირექტორის მოადგილე, მახარაძის რაიონის აღმასკომის ენერგეტიკისა და მშენებლობის განყოფილების უფროსი და მახარაძის საქალაქო საბჭოს აღმასკომის თავმჯდომარე. 1950 წლიდან გადაიყვანეს ბჟუჟჰესის მშენებლობის ტექნიკურ დირექტორად, შემდეგ ბჟუჟჰესის ექსპლუატაციის დირექტორად და 1956 წლიდან "საქმთვარენერგოს" ბჟუჟჰესის N9 კასკადის დირექტორად. იგი თითქმის 35 წელი ხელმძღვანელობდა ბჟუჟჰესს. გარდა საინჟინრო საქმიანობისა მრავალმხრივია მისი შემოქმედება. 1935 წელს დაიწყო ქორეოგრაფიული მოღვაწეობა. იყო ჯ. ბაგრატიონის ქორეოგრაფიული ანსამბლის სოლისტი. 1937-1941 წლებში დასავლეთ საქართველოს სიმღერისა და ცეკვის სახელმწიფო ანსამბლის ქორეოგრაფი იყო. 1947-1972 წლებში კი ქ. მახარაძის, ქობულეთის, ქაქუთის, ახალციხის კულტურის სახლების სიმღერისა და ცეკვის ანსამბლების ქორეოგრაფი. აღადგინა და დადგა მრავალი მივიწყებული ქართული ცეკვა (შიპრობა, ფუნდრუკი, ფარცაკუკუ, ფერხული, იდუმალა, ხორუმი, ვარძიობაძიობა). შექმნა ხალხური სანახაობა "სეირი", საბავშვო ცეკვები "ცხენობანა", "წყაროსთან"; დადგა ცეკვები: "კალმახობა", "ხერტლის ნადი", "ვაჟთა მთიულური". 1965 წლიდან იყო საქართველოს მუსიკალური და ქორეოგრაფიული საზოგადოების მახარაძის რაიონული განყოფილების გამგეობის თავმჯდომარე. 1968 წელს ამ საზოგადოების თაოსნობით ქ. მახარაძეში შეიქმნა ეთნოგრაფიული გუნდი, გურული სიმღერების, საგალობლების აღმდგენი და შემსწავლელი 4-წლიანი სალოტბარო სკოლა, სადაც ლოტბართა და მომღერალთა თაობები აღიზარდა. 1973 წლიდან ხელმძღვანელობდა ქ. მახარაძის რაიონის სიმღერისა და ცეკვის ეთნოგრაფიულ ანსამბლ "იადონს". სალუქვაძე დიდი სამამულო ომის მონაწილეა. მხატვრული თვითმოქმედების საქმეში დამსახურებული ღვაწლისათვის მიანიჭეს სახალხო არტისტის მაღალი წოდებები, საკავშირო მთავრობის ჯილდოებით, აჭარის ასსრ და საქართველოს სსრ უმაღლესი საჭოების პრეზიდიუმების საპატიო სიგელებით, მხატვრული თვითმოქმედების ფესტივალების ოთხგზის ლაურეატი. ლოტბარი, კონსტრუქტორი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 416; საქართველოს ფოლკლორის სახელმწიფო ცენტრის ბლოგი: geofolkcentre.wordpress.com; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.124-126; ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.გვ.106-107

Awards and Honors

1966 - საქართველოს დამსახურებული ინჟინერი
1957 - საქართველოს ხელოვნების დამსახურებული მოღვაწე
"სახალხო განათლების წარჩინებულის" სამკერდე ნიშანი
საქართველოს სახალხო არტისტი