გიორგი მღებრიშვილი

დაბადების ადგილი: ქ. ქუთაისი.

დაამთავრა კიევის უნივერსიტეტის სამედიცინო ფაკულტეტი 1916 წელს.

1930 წელს მისი თაოსნობით დაარსდა თბილისის ფიზკულტურის სამეცნიერო-კვლევითი ინსტიტუტი, რომელსაც თვითონვე ხელმძღვანელობდა 1935 წლამდე. 1931-1968წწ. განაგებდა თბილისის სამედიცინო ინსტიტუტის ფიზკულტურის კათედრას, იყო თსუ ფიზკულტურის ფაკულტეტის პირველი დეკანი (1935-1937). 1949 წლიდან ამ კათედრას ეწოდებოდა ფიზიკური აღზრდის, სამკურნალო ფიზკულტიურსა და საექიმო კონტროლის კათედრა. აქტიური მონაწილეობა მიიღო საქართველოს საექიმო კონტროლისა და სამკურნალო ფიზკულტურის სამეცნიერო საზოგადოების დაარსებაში (1963) და იყო მისი პირველი თავმჯდომარე. მისი შრომები ძირითადად ეხება სპორტული მედიცინის, ორგანიზმის გაკაჟებისა და გულ-სისხლძარღვთა სისტემის დაავადებების დროს ავადმყოფთა ფიზიკური რეაბილიტაციის საკითხებს.  მის შრომებს შორის იყო სახელმძღვანელო საექიმო კონტროლისა და სამკურნალო ფიზკულტურის დარგში (პროფ. აკაკი ზოიძესთან თანაავტორობით). სამკურნალო ფიზკულტურისა და საექიმო კონტროლის დარგის ერთ-ერთი ფუძემდებელი საქართველოში. მედიცინის მეცნიერებათა დოქტორი (1948), პროფესორი (1950).

წყარო: თბილისი: ენციკლოპედია.- თბ., 2002. - გვ.697; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ. 632-633

• 1961 - საქართველოს მეცნიერებათა დამსახურებული მოღვაწე

• საექიმო კონტროლისა და სამკურნალო ფიზიკური კულტურის სახელმძღვანელო : სტუდენტთა და ექიმთათვის (თანაავტორი). - თბილისი, ცოდნა, 1962. - 395გვ.
• საექიმო ფიზიკური კულტურა : სახელმძღვ. სტუდენტთა და ექიმთათვის (თანაავტორი). - თბილისი, საქმედგამი, 1956. - 491გვ.
• საექიმო ფიზიკური კულტურის სახელმძღვანელო : სამედიცინო ინსტიტუტის სტუდენტთათვის (თანაავტორი). - თბილისი, საქმედგამი, 1951. - 446გვ.
• მოსწავლეთა ორგანიზმის გამოწრთობის მნიშვნელობა და მეთოდები (ავტორი). - თბილისი, 1950. - 52გვ.
• ფიზიკური კულტურა და ექიმის მუშაობა (ავტორი). - ტფილისი, 1929. - 83გვ.