დარია ვედრებისელი

დაბადების ადგილი: სოფელი ვედრება, ახლანდელი ქარელის მუნიციპალიტეტი.

დაამთავრა ბაქოს ქალთა გიმნაზია პედაგოგიკის განხრით და იქვე დაიწყო მუშაობა მასწავლებლად. აქტიურად ჩაება ბაქოს კულტურულ და საზოგადოებრივ ცხოვრებაში. 90-იანი წლებიდან დაიწყო ლიტერატურული საქმიანობა. მოთხრობებსა და ნარკვევებს აქვეყნებდა ბაქოს, თბილისისა და პეტერბურგის რუსულ პრესაში. 1898 წელს ჟურნალ "რუსსკოე ბოგატსტვოში" დაიბეჭდა მისი მოთხრობა "ხიზნები", რომელსაც ინტერესით შეხვდა რუსეთის ლიტერატურული წრეები. 1908 წელს პეტერბურგში ნ. გორბუნოვის გამომცემლობამ გამოსცა მისი მოთხრობების კრებული-"ხელუხლებელი კუთხე" (1912, თბ.,II გამოცემა). დარია ვედრებისელს შემოქმედებითი და მეგობრული ურთიერთობა ჰქონდა ცნობილ ქართველ და რუს მოღვაწეებთან - ვ. კოროლენკოსთან, ნ. მიხალკოვსკისთან, დ. ოვსიანიკო-კულიკოვსკისთან, ე. გაბაშვილთან, გ. თუმანიშვილთან, ნ. ნაკაშიძესთან, ა. ერისთავ-ხოშტარიასა და სხვებთან. ანატოლი კალგინის მეუღლე.

წყარო: საქართველო: ენციკლოპედია: ტ.III.–თბ., 2014.-გვ.235; საქართველოს პარლამენტის ეროვნული ბიბლიოთეკა : "ივერიელი": dspace.nplg.gov.ge.-გვ.15

• Нетронутый уголок : Груз. рассказы. Т. 1 (ავტორი). - Санкт-Петербург , М.Д. Орехов, 1903
• Сборник произведений Кавказских писателей в русском переводе (ავტორი). - 597с.