ილია ნიჟარაძე

დაბადების ადგილი: ცაგერის რაიონი.

დაამთავრა ლენინგრადის პოლიტექნიკური ინსტიტუტის მეტალურგიის ფაკულტეტი 1929 წელს. 

1930 წელს მუშაობა დაიწყო დიდუბის ფერომანგანუმის საცდელ ქარხანაში, სადაც სსრკ-ში პირველად მუშავდებოდა ფერომანგანუმის დნობის ტექნოლოგია. შემდეგ ეს ცდები სამრეწველო მასშტაბით მისი ხელმძღვანელობით წარმატებით ჩატარდა ზესტაფონის ფეროშენადნობთა ქარხანაში, რითიც დადგინდა, რომ ფერომანგანუმის დნობისას ხელსაყრელია დაბრიკეტებული კაზმისა და აგლომერატების გამოყენება. 1931 წლიდან ზესტაფონის ფეროშენადნობთა ქარხნის ტექნიკური დირექტორი და მთავარი ინჟინერი, 1932 წლიდან სამთო მეტალურგიის ინსტიტუტის დოცენტი. მეტალურგი, თანამედროვე სამრეწველო მეტალურგიის ერთ-ერთი ფუძემდებელი საქართველოში.

 წყარო: ქართული საბჭოთა ენციკლოპედია: ტ.7-თბ., 1984.-გვ.442