ლერი პაქსაშვილი

დაამთავრა საქართველოს პოლიტექნიკური ინსტიტუტი 1957 წელს; საქართველოს შოთა რუსთაველის სახელობის სახელმწიფო თეატრალური ინსტიტუტის სარეჟისორო ფაკულტეტი 1963 წელს.

1963-1965წწ. მთავარ რეჟისორად მუშაობდა ოზურგეთის, 1965-1967წწ. - თელავის, 1967-1971წწ.  სოხუმის (ქართული დასი), 1971-1973წწ.  თბილისის ა. გრიბოედოვის სახ. სახელმწიფო თეატრებში; 1973-1974წწ.  დამდგმელ რეჟისორად რუსთავის, 1974-1979წწ. თბილისის კ. მარჯანიშვილის სახ. სახელმწიფო აკადემიურ თეატრში; 1979 წელს მისი ინიციატივით და უშუალო ხელმძღვანელობით თბილისში დაარსდა სახელმწიფო დრამატული თეატრი (ამჟამად ს. ახმეტელის სახელობის); 1979-1986წწ. იყო მისი სამხატვრო ხელმძღვანელი; 1986-1989წწ. საქართველოს სახელმწიფო ფილარმონიის მთავარი რეჟისორი იყო; 1989-1990წწ. კი თბილისის კონსერვატორიასთან არსებული საოპერო სტუდიის სამხატვრო ხელმძღვანელი. მისი რეჟისორული ინდივიდუალობა გამოირჩევა ნაწარმოების მკვეთრი ფორმის წარმოჩენით, მეტყველი მიზანსცენებით, დაძაბული რიტმით, ემოციურობით; 1992 წლიდან პედაგოგიურ მოღვაწეობას ეწევა საქართველოს შოთა რუსთაველის სახ. სახელმწიფო თეატრისა და კინოს ინსტიტუტში.

წყარო: თბილისი: ენციკლოპედია.- თბ., 2002. - გვ.731-32

• 1971 - საქართველოს ხელოვნების დამსახურებული მოღვაწე