ტიგრან პეტროსიანი

დაბადების ადგილი: ქ. თბილისი.

ჭადრაკის ისტორიაში მეცხრე მსოფლიო ჩემპიონი (1963-1969); მსოფლიო პირველობის მატჩებში სძლია მ. ბოტვინიკს (1963; 12,5:9,5) და ბ. სპასკის (1966; 12,5:11,5). 1948 წლამდე თბილისში ცხოვრობდა; 1950 წლებიდან - მოსკოვში; ჭადრაკს ეუფლებოდა თბილისის პიონერთა და მოსწავლეთა სასახლის ჭადრაკის კაბინეტში ოსტატ ა. ებრალიძის ხელმძღვანელობით, რომელსაც შემდგომ დიდი მადლიერებით იხსენებდა; იყო თბილისის ვიცე-ჩემპიონი და საქართველოს ჩემპიონი (1945); შემდგომში იყო სსრკ ოთხგზის (1959, 1961, 1969,1975); მსოფლიოს საჭადრაკო ოლიმპიადების ცხრაგზის ჩემპიონი; ევროპის რვაგზის გუნდური ჩემპიონი და სხვა; იყო ფილოსოფიის მეცნიერებათა კანდიდატი (1960); ყოველკვირეულის "Шахматная Москва" (1963-1966) რედაქტორი და ჟურნალ "64 - Шахматное обозрение"-ს მთავარი რედაქტორი (1969-1977); მიღებული აქვს სახელმწიფო ჯილდოები; სსრკ და საერთაშორისო დიდოსტატი (1952). მოჭადრაკე.

წყარო: 100 ღირსსახსოვარი სახელი = 100 памятных имен = 100 memorable names : საქართველოში და საქართველოს გარეთ მოღვაწე უცხოელები / სარედ. კოლ.: მარიამ ლორთქიფანიძე, როინ მეტრეველი, ზურაბ აბაშიძე [და სხვ.] .- თბ., 2014.-გვ.221; თბილისი: ენციკლოპედია.- თბ., 2002. - გვ.738.

• 1960 - სსრკ სპორტის დამსახურებული ოსტატი