ივანე პატარიძე

დაბადების ადგილი: ქ. ქუთაისი.

დაამთავრა ქუთაისის გიმნაზია 1919 წელს.

სწავლობდა თბილისის სახელმწიფო უნივერსიტეტში. იყო კ. მარჯანიშვილის მოწაფე. მნიშვნელოვანი როლი ითამაშა ქართული საბჭოთა თეატრის, კერძოდ, რუსთაველის თეატრის ჩამოყალიბებასა და განვითარებში. 1921 წლიდან ამ თეატრის რეჟისორის თანაშემწე, 1928-1958წწ. დამდგმელი რეჟისორი. 1927 წელს შექმნა საესტრადო ჯგუფი "ხრინწაძის ხრო. რუსთაველის თეატრში დადგა: გ. ვენეციანოვის "ჯუმა მაშიდი", ა. მაშაშვილის "განგაში", ა. სლავინსკის "პროტესტი", ი. კოჩერგას "მაისტერი", ს. კლდიაშვილის "გმირთა თაობა", ვ. გაბესკირიას "გურიის მთები დაუთოვია" და სხვა.; ზ. ფალიაშვილის სახელობის ოპერისა და ბალეტის თეატრში ვ. დოლიძის "ქეთო და კოტე". 1939-1979წწ. საქართველოს შოთა რუსთაველის სახელობის თეატრალური ინსტიტუტის პედაგოგი იყო.

წყარო: ქართული საბჭოთა ენციკლოპედია: ტ.7-თბ., 1984.-გვ.710

• 1935 - საქართველოს ხელოვნების დამსახურებული მოღვაწე