ბადრი ტუღუში

დაბადების ადგილი: სოფელი ძიმითი, ოზურგეთის რაიონი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1976 წელს(კონტრაბასი), 1978 წელს(საკომპოზიციო).

1979-1992წწ. იყო ქაშვეთის ეკლესიის მგალობელთა გუნდის რეგენტი, პარალელურად თბილისის სხვადასხვა სკოლებში ფოლკლორული ანსამბლების ხელმძღვანელი; 1981 წლიდან თბილისის მოსწავლე-ახალგაზრდობის სასახლეში პედაგოგი; 1978 წელს დააარსა და ხელმძღვანელობდა ბავშვთა ფოლკლორულ ანსამბლს "ნადური"; 1994-2007წწ. თბილისის ე. თაყაიშვილის სახელობის სახელმწიფო უნივერსიტეტის პედაგოგი, 2000 წლიდან დოცენტი, 2003 წლიდან ასისტენტ-პროფესორი, ამავე უნივერსიტეტის ანსამბლ "ქალგულოს" დამაარსებელთაგანი და ხელმძღვანელი; 1993 წლიდან თბილისის თეატრალური უნივერსიტეტის მიწვეული პედაგოგი(გალობა, ხალხური სიმღრა); 2013 წლიდან თანამშრომლობს თბილისის სახელმწიფო უნივერსიტეტის გოგონათა ანსამბლთან "თსუ გორდელა"; თხზულებები, ოპერები: "კაცია ადამიანი"(2006, ი. ჭავჭავაძის მიხედვით), "სამანიშვილის დედინაცვალი"(2010, დ. კლდიაშვილის მიხედვით), "სოლომონ მორბელაძე"(2011, დ. კლდიაშვილის მიხედვით), ერთაქტიანი ოპერები: "როიალი"(2010, ნამჩევაძის პიესის მიხედვით), "გაზაფხულის პირველი დღე"(1995, ბ. ხარანაულის პოემის მიხედვით), საოპერო სცენები მ. ჯოხაძის "სისხლიანი მეტაფორების" მიხედვით"(2002), თ. შენგელიას "პანდას" მიხედვით(2003); ბალეტები: "ბოშები"(2004, ნ. დუმბაძის მიხედვით), "მუჭანახევარი"(2007, ხალხური ზღაპრის მიხედვით), "დევების ქორწილი"(2014, ფოლკლორულ მოტივებზე); სიმფონია 2(1986, 1992); ინსტრუმენტული კონცერტები: სავიოლინო, ვიოლონჩელოსათვის, ფორტეპიანოსა და კამერული ორკესტრისათვის(2010); კამერულ-ინსტრუმენტული ნაწარმოებები: საფორტეპიანო სონატა(1980), სავიოლინო სონატა(2002, პირველი შესრულება), 11 სიმებიანი კვარტეტი(1979–2015); გუნდები: a cappella ქართველი პოეტების ლექსებზე(30–ზე მეტი); ვოკალური ციკლები; საბავშვო სიმღერები: "ბარბი", "ტაში–ტუში", "ჯამბაზი", "ეკა–ოკა"; გასტროლები: სსრკ, საბერძნეთი, რუმინეთი, იუგოსლავია, ბულგარეთი ბავშვთა ანსამბლთან ერთად; ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 452

• საქართველოს კომპოზიტორთა კავშირი, წევრი