ჯუანშერ ზალდასტანიშვილი

დაბადების ადგილი: ქ. მოსკოვი.

დაამთავრა საქართველოს ფიზკულტურის ინსტიტუტი 1957 წელს, ხოლო 1969 წელს თბილისის სახელმწიფო უნივერსიტეტის ბიოლოგიის ფაკულტეტი.

1957–2007 წლებში იყო საქართველოს ფიზკულტურის ინსტიტუტის ფარიკაობის, მშვილდოსნობის კათედრების გამგე; დაუსწრებელი სწავლების ფაკულტეტის დეკანი; მწვრთნელთა ფაკულტეტის დეკანი; პრორექტორი; სპორტის გამოყენებითი სახეების დეპარტამენტის უფროსი; 2007–2010 წლებში  ილიას უნივერსიტეტის ბიზნესისა და სამართლის ფაკულტეტის მოწვეული პროფესორი. 2004–2012 წლებში იყო საქართველოს თანამედროვე ხუთჭიდისა და ტრიატლონის ეროვნული ფედერაციის პრეზიდენტი, ხოლო 2012 წლიდან არის ფედერაციის საპატიო პრეზიდენტი. ჯუანშერ ზალდასტანიშვილის სამეცნერო კვლევის სფეროა: სპორტის ფიზიოლოგია, თანამედროვე ხუთჭიდი, ფარიკაობა, ცხენოსნობა, რაიტთერაპია. გამოქვეყნებული აქვს მრავალი სამეცნიერო ნაშრომი ბიოლოგიის მეცნიერებათა დოქტორი (1999), პროფესორი (2001).

წყარო: საქართველო: ენციკლოპედია: ტ.III.–თბ., 2014.-გვ.303; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.42

• საქართველოს თანამედროვე ხუთჭიდისა და ტრიატლონის ეროვნული ფედერაცია, საპატიო პრეზიდენტი (2012-2020)
• საქართველოს თანამედროვე ხუთჭიდისა და ტრიატლონის ეროვნული ფედერაცია, პრეზიდენტი (2004-2012)

• 2001 - ღირსების ორდენი
• 2000 - საქართველოს სპორტის დამსახურებული მოღვაწე
• 1960 - საკავშირო კატეგორიის მსაჯი (თანამედროვე ხუთჭიდი)
• საქართველოს დამსახურებული მწვრთნელი
• საქართველოს სპორტის დამსახურებული მუშაკი

• ვალეოლოგია ჯანსაღი ცხოვრების წესი (შემდგენელი). - თბილისი, თბილ. უნ-ტის გამ-ბა, 2005. - 306გვ.
• მხედრის ფიზიკური მომზადება : სახელმძღვ. სტუდ. (ავტორი). - თბილისი, 1997. - 28გვ.
• ცხენოსნობა (შემდგენელი). - თბილისი, დიავესტი, 1993. - 248გვ.
• ფარიკაობაში ინდივიდუალური სწავლების ორგანიზაციის და მეთოდიკის ძირითადი საკითხები : მეთოდ. სახელმძღვ. ფარიკაობასა და თანამედროვე ხუთჭიდში მომუშავე მწვრთნელთათვის (ავტორი). - თბილისი, 1981. - 36გვ.