მიხეილ პოლიევქტოვი

დაამთავრა პეტერბურგის უნივერსიტეტის ისტორია-ფილოლოგიის ფაკულტეტი 1894 წელს.

პეტერბურგის უნივერსიტეტის ისტორია-ფილოლოგიის ფაკულტეტზე დატოვეს რუსეთის ისტორიის კათედრაზე; შემდეგ მიავლინეს საზღვარგარეთ არქივებში სამუშაოდ; 1917 წელს აირჩიეს პეტერბურგის უნივერსიტეტის პროფესორად; 1920 წლიდან ცხოვრობდა თბილისში; იყო თბილისის უნივერსიტეტის პროფესორი; იკვლევდა რუსეთ-საქართველოს ურთიერთობის ისტორიის საკითხებს; მნიშვნელოვანია XII-XIXსს. კავკასიაში ევროპელი მოგზაურების შესახებ მის მიერ ორ წიგნად გამოცემული საინფორმაციო-საცნობარო მასალა; მისი პუბლიკაციები მნიშვნელოვან მასალას შეიცავს თბილისის ისტორიაზე; გ. ნათაძესთან ერთად გამოაქვეყნა წიგნი "ძველი თბილისი" (თ., 1938); დამსახურება მიუძღვის 1832 წლის შეთქმულების ისტორიის საარქივო მასალების შეგროვებასა და ლენინგრადიდან თბილისში გადმოტანაში; არქეოგრაფი, კავკასიოლოგი.

წყარო: თბილისი: ენციკლოპედია.- თბ., 2002. - გვ.739; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.136

• ძველი ტფილისი (თანაავტორი). - ტფილისი, სახელგამი, 1930. - 99გვ.
• თავადი მიშეცკისა და დიაკი კლუჩარევის ელჩობა კახეთში 1640-1643 = Посольство князя Мышецкого и дьяка Ключарева в Кахетию 1640-1643 : საბუთები გადმოსცა და შესავალი დაურთო მ. პოლიევქტოვმა (თანაავტორი). - ტფილისი, ტფილ. უნ-ტის გამოცემა, 1928. - 209 გვ.
• სტოლნიკი ტოლოჩანოვისა და დიაკი იევლევის ელჩობა იმერეთში 1650-1652 = Посольство стольника Толочанова и дьяка Иевлиева в Имеретию 1650-1652 : საბუთები გამოსცა და შესავალი დაურთო მ. პოლიევქტოვმა (ავტორი). - ტფილისი, ტფილისის უნივერსიტეტის გამოცემა, 1926. - 230 გვ.