გივი ჭელიძე

დაამთავრა მოსკოვის უმაღლესი პარტიული სკოლის ჟურნალისტიკის ფაკულტეტი.

მუშაობდა გაზეთ "ახალგაზრდა კომუნისტის" რედაქციაში, საქტელერადიოკომიტეტში; სხვადასხვა წელს იყო რამდენიმე გაზეთის ("მაცნე", "ერქვანი", "რეფორმა", ამბროლაურის რაიონული გაზეთის) რედაქტორი; 1985-1988წწ. მუშაობდა გაზ. "თბილისის" რედაქციაში განყოფილების გამგედ; 1988 წლიდან არის საქართველოს ჟურნალისტთა (ახლანდელი ფედერაციის) კავშირის თავმჯდომარის პირველი მოადგილე და რეგიონალური განყოფილების ხელმძღვანელი; 1993 წლიდან - ჟურნალ "ჟურნალისტის" ერთ-ერთი დამფუძნებელი და რედაქტორი; ჟურნალისტური კლუბის "საფიხვნოს" პრეზიდენტი; რამდენიმე წიგნის ავტორია; მისი სცენარების მიხედვით გადაღებულია დოკუმენტური და ტელეფილმები; მიღებული აქვს ჯილდოები.

წყარო: თბილისი: ენციკლოპედია.- თბ., 2002. - გვ.745; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.397

• 1998 - ღირსების ორდენი
  ქართული ჟურნალისტიკის განვითარებაში, აქტუალური, ცხოვრებისეული თემების მაღალკვალიფიციურ დონეზე წარმოჩენაში, აქტიური, შემოქმედებითი მოღვაწეობისა და ახალგაზრდა პროფესიული კადრების მომზადებაში შეტანილი პირადი წვლილისათვის
• 1987 - საქართველოს დამსახურებული ჟურნალისტი