მიხეილ გედევანიშვილი

დაბადების ადგილი: დაბა მანგლისი, თეთრიწყაროს მუნიციპალიტეტი.

დაამთავრა მოსკოვის უნივერსიტეტის სამედიცინო ფაკულტეტი 1889 წელს. 

1890-1893წწ. იყო ზანგეზურის (აზერბაიჯანი) მაზრის ექიმი. აქ გახსნა აფთიაქი. შეისწავლა და თავის ნაშრომებში აღწერა ეს მხარე. 1893-1895წწ. თიანეთის მაზრის ექიმად ყოფნისას, გარდა საექიმო მოღვაწეობისა ეწეოდა კულტურულ-საგანმანათლებლო მუშაობას. შემდეგ წლებში პარიზში იყო და მუშაობდა ნევროპათოლოგიაში ჟ. დეჟერინთან, ფსიქიატრიაში ა. ჟოფრუასთან, ფიზიოთერაპიასა და რენტგენოლოგიაში ჰუესთან. 1896 წელს თბილისში, საკუთარ ბინაში, მოაწყო საქართველოში პირველი რენტგენო და ელექტროთერაპიული კაბინეტი და სტაციონარი. 1898 წლიდან განაგებდა თბილისში სულით ავადმყოფთა თავშესაფარს. საქართველოში პირველმა აღწერა (1897) აკრომელაგია, პროგრესიული კუნთოვანი დისტროფია და სხვა. ნერვული დაავადებები. აქვეყნებდა სამეცნიერო შრომებს კავკასიის ექიმთა საზოგადოების სამედიცინო კრებულში. 1914 წელს გამოსცა ი. ჭავჭავაძის თხზულებათა კრებული (ტ.I). საზოგადო მოღვაწე.

 წყარო: ქართული საბჭოთა ენციკლოპედია: ტ.3-თბ., 1977.-გვ.33; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.550

• Зангезурский уезд Елисаветпольской губернии в медицинском отношении за 1890-1892 гг. : Соч. (ავტორი). - 1893