ალექსანდრე ლოსაბერიძე

დაბადების ადგილი: სოფელი მანდიკორი, ახლანდელი ტყიბულის რაიონი.

დაამთავრა საქართველოს სახელმწიფო პოლიტექნიკური ინსტიტუტი 1930 წელს.

1924 წლიდან მუშაობდა "ზაჰესის" მშენებლობაზე და ამ წლიდან, ორმოცი წლის განმავლობაში, მისი ტექნიკური ხელმძღვანელობითა და უშუალო მონაწილეობით დამუშავდა 25 ჰესის პროექტი, მათ შორის, 20 ჰესი საქართველოს ენერგოსისტემაში, ორი რუმინეთში და სამი ბულგარეთში; 1955 წელს სამუშაოდ გადავიდა საქართველოს პოლიტექნიკურ ინსტიტუტში ჰიდროტექნიკური ფაკულტეტის კათედრის გამგის თანამდებობაზე; ამ პერიოდში შეთავსებით მუშაობდა მთავარ სპეციალისტად "თბილჰიდროპროექტში"; 1965-1972წწ. იყო "ჰიდროპროექტის" მთავარი ინჟინერი. არის ჰიდროელექტროსადგურების ორიგინალური პროექტების ავტორი; გამოქვეყნებული ჰქონდა 25-ზე მეტი სამეცნიერო ნაშრომი. მისი სამეცნიერო შრომები ეძღვნება ჰიდროტექნიკურ ნაგებობათა გაანგარიშების მეთოდებს, აგრეთვე საქართველოს ძველი სარწყავი არხებისა და წყალსადენების გამოკვლევას. ტექნიკურ მეცნიერებათა დოქტორი (1965), პროფესორი (1966), ჰიდროტექნიკოსი, საქართველოს სსრ-ში ჰიდროენერგეტიკის ერთ-ერთი დამფუძნებელი. მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ. 6.-თბ., 1983.-გვ.296; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.102; საქართველო: ენციკლოპედია: ტ.5. -თბ.,2023. -გვ.436

• 1961 - საქართველოს დამსახურებული ინჟინერი
• შრომის წითელი დროშის ორდენი (2 ორდენი)
• ლენინის ორდენი

• Кольцевые конструкции гидротехнических сооружений: (Методы расчета и указания по проектированию) : Монография (Author). - Тбилиси, ГПИ, 1964. - 74с.