გია ფერაძე

დაბადების ადგილი: ქ. თბილისი.

დაამთავრა შოთა რუსთაველის სახელობის თბილისის თეატრალური ინსტიტუტის სამსახიობო ფაკულტეტი 1971 წელს.

სხვადასხვა დროს მუშაობდა: რუსთავის და სოხუმის ქართულ თეატრებში; 1973-1985წწ. რუსთაველის თეატრის მსახიობია; შესრულებული აქვს 40-ზე მეტი როლი თეატრსა და კინოში; თეატრალური როლებიდან აღსანიშნავია მისი როლი სპექტაკლ "კავკასიური ცარცის წრეში" (რეჟ.: რ. სტურუა), რომლითაც რუსთაველის თეატრთან ერთად მოიარა მსოფლიოს 15 ქვეყანა; შესრულებული აქვს როლები "მოსფილმში", "ლენფილმში", კიევის "დოვჟენკოს სტუდიაში", ოდესის სტუდიაში, მონაწილეობდა მრავალ სატელევიზიო დადგმაში; მონაწილეობა აქვს მიღებული არაერთ ქართულ მხატვრულ ფილმში: "კედელი" (რეჟ.: ა. ნინუა, 1966), "განგაში" (ოსიკო, რეჟ.: ნ. სანიშვილი, 1968), "ფერსცვალება" (რეჟ.: ლ. ღოღობერიძე, 1968), "ქერათმიანი ქალიშვილი" (რეჟ.: დ. ბათიაშვილი, 1968), "მოიტაცეს თამარ ქალი" (ნუგზარი, რეჟ.: ლ. გორდელაძე, 1971), "მე, გამომძიებელი" (რეჟ.: გ. კალატოზიშვილი, 1971), "გაზაფხულის საღამო" (რეჟ.: გ. ჭოხონელიძე, 1972), "ლევან ხიდაშელი" (გოგია, რეჟ.: ვ. ტაბლიაშვილი, 1973), "წკიპუტები" (ბიგო, ქურდი, რეჟ.: რ. ესაძე, 1973), "ვალსი მთაწმინდაზე" (რეჟ.: ბ. წულაძე, 1975), "ივანიკა და სიმონიკა" (სიმონიკა, რეჟ.: პ. ჩარკვიანი, 1975), შესვენება" (რეჟ.: ბ. მწულაძე, 1978), "მეცამეტე გოჭი" (რეჟ.: რ. ჭარხალაშვილი, 1979), "ზღარბი" (გოგის მამა, რეჟ.: ა. ნინუა, 1979), "თბილისი, პარიზი, თბილისი" (ჟორჟი, რეჟ.: ლ. აბაშიძე, 1980), "არასერიოზული კაცი" (ნიკო, რეჟ.: დ. ბათიაშვილი, 1980), "ცხელი ზაფხულის სამი დღე" (ლევანი, რეჟ.: მ. კოკოჩაშვილი, 1981), "ახალგაზრდა კომპოზიტორის მოგზაურობა" (ლეკო თათაშელი, რეჟ.: გ. შენგელაია, 1984), "ზოზღნა" (რეჟ.: მ. არჩვაძე, 1993), "ძალიან პატარა ამბავი" (რეჟ.: გ. ოვაშვილი, 1995); 2014 წელს გამოვიდა გია ფერაძის ლექსები – "სევდის კრებული", რომელიც გამოსცა მისმა ძმამ, მწერალმა ილიკო ფერაძემ. პედაგოგისა და საზოგადო მოღვაწის ბიძინა ფერაძისა და თინა ჟორჟოლიანის (საქართველოს დამსახურებული ბიბლიოთეკარი) შვილი.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.304-305; intermedia.ge; მე, ბებია-ბაბუა, დედა, მამა და გია ფერაძე / ი. ფერაძე.-თბ.,2006.-გვ.270

• სევდის კრებული 2 (ავტორი). - თბილისი, ინტელექტი, 2014. - 228გვ.
• სევდის კრებული : ანუ პატიმარი მსახიობის აღსარება : ლექსები (ავტორი). - თბილისი, 1998. - 115გვ.