ივანე ქორთუა

დაბადების ადგილი: სოფელი ლიხნი, გუდაუთის რაიონი.

სწავლობდა მოსკოვის მუშფაკში, მცირე ხნით ლენინგრადის სამხატვრო აკადემიაში, თბილისის სამხატვრო აკადემიაში 1935 წელს, პარალელურად თეატრალურ ინსტიტუტში.

ბავშვობიდან გატაცებული იყო ხალხური სიმღერით; იყო ხალხური შემოქმედების სახლის დირექტორი, სადაც ჩამოაყალიბა ხანდაზმულთა გუნდი; ამ უნიკალურ გუნდში გააერთიანა 100 წლის ასაკს გადაცილებული მოხუცები, რომელთა სიმღერა და ცეკვა აღბეჭდილია მოკლემეტრაჟიან კინოფილმში "სიჭაბუკე სიბერემდე"(რეჟისორი შ. ხომერიკი), ფილმის კონსულტანტი იყო ივანე ქორთუა; მთელი ცხოვრება აგროვებდა აფხაზურ ხალხურ სიმღერებს და გამოსცა კიდეც; თხზულებები, სიმღერები: "სანჭარა", "მონადირის სიმღერა", "პიონერული", საფორტეპიანო პიესა "ყიყლიყო მამალო"; თვითნასწავლი კომპოზიტორი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 492

• 1961 - საქართველოს ხელოვნების დამსახურებული მოღვაწე
• 1956 - აფხაზეთის ხელოვნების დამსახურებული მოღვაწე