ანასტასია ზაქარიაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის დასავლეთ ევროპის ენების და ლიტერატურის ფაკულტეტი ანგლისტიკის სპეციალობით 1976 წელს, ასპირანტურა ფილოსოფიის სპეციალობით 1984 წელს.

1988–2006 წლებში იყო ივანე ჯავახიშვილის სახელობის თბილისის სახელმწიფო უნივერსიტეტის ფილოსოფიისა და ფსიქოლოგიის ფაკულტეტის ფილოსოფიის თანამედროვე პრობლემების კვლევის სამეცნიერო ცენტრის უფროსი მეცნიერი თანამშრომელი, 1988–2002 წლებში ეთიკისა და რელიგიათმცოდნეობის კათედრის დოცენტი, 2002–2006 წლებში ამავე კათედრის პროფესორი, 2006-წლიდან ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ასოცირებული პროფესორი, 2005–2009 წლებში ამავე უნივერსიტეტისტის ხარისხის უზრუნველყოფის სპეციალისტი, სამსახურის უფროსი. პედაგოგიურ საქმიანობასთან ერთად იკვლევს პრაქტიკული ფილოსოფიისა და ფილოსოფიის ისტორიის პრობლემებს-ამერიკული ფილოსოფიის, ესთეტიკის, ეთიკის, ბიოეთიკის, ქრისტიანული ეთიკის საკითხებს. არის მრავალი სამეცნიერო შრომის, მათ შორის 4 მონოგრაფიის, 2 სახელმძღვანელოსა და 1 მეთოდური რეკომენდაციის ავტორი. მეცნიერებათა დოქტორი (1999), პროფესორი (2002).

წყარო: საქართველო: ენციკლოპედია: ტ.III.–თბ., 2014.-გვ.323

• 2011 - კონსტანცას "ოვიდიუსის" სახელობის უნივერსიტეტის(რუმინეთი) საპატიო პროფესორი(DOCTOR HONORIS CAUSA)

• ანალიტიკური აზროვნების შესავალი : სახელმძღვ. (Co-Author). - თბილისი, საქ. საპატრიარქოს წმ. ანდრია პირველწოდებულის სახ. ქართ. უნ-ტი,(სტ. შ.პ.ს. "მეგობრობა"), 2014. - 258გვ.
• ფილოსოფიის შესავალი (Co-Author). - თბილისი, მერიდიანი, 2012. - 364გვ.
• საქართველო და ევროპული სამყარო - ფილოსოფიურ-კულტურული დიალოგი = Georgia and the european world - philosophical-cultural dialogue : მიძღვნილი ანთიმოზ ივერიელის ხსოვნისადმი(კრებული) (Editor). - თბილისი, თბილ. უნ-ტის გამ-ბა, 2009
• მხატვრული სიმბოლოს ბუნებისათვის = For the nature of art symbol (Author). - თბილისი, გამ-ბა "ლეგას" სტ., 2009. - 155გვ.