ოტო სიმენსი

სწავლობდა ქ. გეტინგენში. ტექნიკური განათლების მისაღებად ლონდონში გაემგზავრა, სადაც ლითონების დნობის ტექნოლოგიას დაეუფლა.

უფროსი ძმის ვერნერის რჩევით თბილისში ჩამოვიდა; ვალტერ სიმენსის გარდაცვალების შემდეგ 1968 წლის დეკემბერში სათავეში ჩაუდგა "სიმენსი და ჰალსკეს" წარმომადგენლობას; იგი პრუსიის კონსულად დანიშნეს; ჩაება კახეთში ნავთობის მოპოვების საქმეს; შეიმუშავა სხვადასხვა წინადადება ნავთობგადამამუშავებელი ქარხნიდან ასფალტის მიღება-გამოყენების, თბილისის წყლით მომარაგებისა და ქუჩების განათების შესახებ; აქტიურად მონაწილეობდა "რუსეთის ტექნიკური საზოგადოების" კავკასიის განყოფილების მუშაობაში, რომელსაც ცნობილი მეცნიერ-ინჟინერი მიხეილ გარსევანიშვილი ხელმძღვანელობდა; მან გაიცნო თბილისის ცნობილი საზოგადო მოღვაწეები: კ. მამაცაშვილი, გეოლოგი გ. წულაძე, ნ. სტატკოვსკი (საქართველოს სამხედრო გზის რეკონსტრუქციის პროექტის ავტორი), "კავკასიის გეოლოგიის მამა" ჰ. აბიხი და სხვა. ქართველ მოღვაწეებთან ერთად ქველმოქმედებასაც ეწეოდა; 1870 წლის 17 მაისს მან თბილისში იქორწინა ანეტე ფონ კრემერზე; "რუსეთის ტექნიკურმა საზოგადოებამ" საქართველოში მის მოღვაწეობას საგანგებო სხდომა მიუძღვნა, რომელზედაც მოხსენებით გამოვიდა კავკასიის განყოფილების თავმჯდომარე მ. გარსევანიშვილი; 1861 წელს დაიცვა დისერტაცია ქიმიის დარგში.

წყარო: თბილისი: ენციკლოპედია.- თბ., 2002. - გვ.829; სპუტნიკი-საქართველოს ვებგვერდი: sputnik-georgia.com; წყარო: 100 ღირსსახსოვარი სახელი = 100 памятных имен = 100 memorable names : საქართველოში და საქართველოს გარეთ მოღვაწე უცხოელები / სარედ. კოლ.: მარიამ ლორთქიფანიძე, როინ მეტრეველი, ზურაბ აბაშიძე [და სხვ.] .- თბ., 2014.-გვ. 243