ანატოლი სმირანინი

1910 წლიდან მოღვაწეობდა ტაგანროგის, უფის, პენზის, დონის როსტოვის, ურალისა და სხვა თეატრებში, 1917-1919წწ. - ოდესაში, ამხანაგობა "რუსულ დრამაში", 1920-192წწ. - საზღვაო ძალების პოლიტსამმართველოს თეატრში, შემდეგ სოხუმის, ბათუმისა და სხვა თეატრებში. 1936 წლიდან თბილისის ა. გრიბოედოვის სახელმწიფო სახელმწიფო თეატრის წამყვანი მსახიობი იყო; ფლობდა ფართო აქტიორულ დიაპაზონს, მაღალ პროფესიონალურ კულტურას. გამოირჩეოდა ჭეშმარიტი არტისტიზმით და დიდი სცენური ტემპერამენტით. როლები: სირანო (ე. როსტანის "სირანო დე ბერჟერაკი"), ზაბელინი (ნ. პოგოდინის "კრემლის კურანტები"), გიორგი სააკაძე (ი. ვაკელის "დიდი მოურავი"), ტარტიუფი (მოლიერის "ტარტიუფი"), პოლკოვნიკი ტალბერგი (მ. ბულგაკოვის "ტურბინთა დღეები"), კავალერი რიპაფრატა (კ. გოლდინის "სასტუმროს დიასახლისი"), პრეზიდენტი (ფ. შილერის "ვერაგობა და სიყვარული"), დუდუკინი (ა. ოსტროვსკის "უდანაშაულო დამნაშავენი") და სხვა. მიღებული აქვს სახელმწიფო ჯილდოები.

წყარო: თბილისი: ენციკლოპედია.- თბ., 2002. - გვ.834; ეროვნული ფილმოგრაფიის პორტალი: geocinema.ge

• 1946 - საქართველოს სახალხო არტისტი