ვიქტორ სულაქველიძე

დაბადების ადგილი: სოფელი მთისძირი, ვანის რაიონი. 

დაამთავრა ს. კიროვის სახელობის საქართველოს პოლიტექნიკური ინსტიტუტის მექანიზაციის ფაკულტეტი 1942 წელს, ფ. ძერჟინსკის სახელობის სამხედრო-საარტილერიო აკადემია 1943 წელს. 

ლაზერული პისტოლეტის ავტორი. ხვეწდა და აუმჯობესებდა საბჭოთა საკონტინენტშორისო ბალისტიკური რაკეტების საბრძოლო (ბირთვული) ქობინებს, რათა მოწინააღმდეგის ტერიტორიაზე აფეთქების შემდეგ გაძლიერებულიყო გამა და ზემაღალი სიხშირის გამოსხივება. იყო კათედრის უფროსი, სამხედრო მეცნიერი, გენერალ-მაიორ-ინჟინერი (1962), ტექნიკური მეცნიერების დოქტორი (1958), პროფესორი (1959). სამხედრო მეცნიერი და სამხედრო ინჟინერი, გენერალ-მაიორ-ინჟინერი. 160-ზე მეტი სამეცნიერო შრომის, მათ შორის 2 სქელტანიანი მონოგრაფიის, 10 სახელმძღვანდელოსა და 15 დამხმარე სახელმძღვანელოს ავტორია. მიღებული აქვს სახელმწიფო ჯილდოები. გარდაიცვალა ქ. მოსკოვში, საქართველოში ჩამოასვენეს და თბილისში, საბურთალოს სასაფლაოზე დაკრძალეს.

 წყარო: ქართული საბჭოთა ენციკლოპედია: ტ.9-თბ., 1985.-გვ.599; ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 97-98

• სკკპ, წევრი (1944-)

• 1972 - რსფსრ მეცნიერებათა და ტექნიკის დამსახურებული მოღვაწე
• საპატიო ნიშნის ორდენი
• სამამულო ომის I ხარისხის ორდენი
• სამამულო ომის II ხარისხის ორდენი