მანანა

დაბადების ადგილი: სოფელი ძევერა, გორის რაიონი.

ჩვენამდე მოღწეულია მისი რამდენიმე ლექსი, რომლებიც ხანდაზმულობაში შეუთხზავს. მის პოეზიას ახასიათებს რელიგიურ-მისტიკური განწყობილება, ორიგნალური თემატიკის ძიება, სკეპტიციზმი. ლექსი "შაირნი" ეძღვნება  ერეკლე II-ის სამხედრო ძლიერებასა და პიროვნულ სიდიადეს. ხალხურ პოეზიაში ვარიანტების სახით გავრცელდა მანანას გაბაასების ჟანრის ნაწარმოები "მანანასაგან ციების ბაასი". მისი ლექსები გამართულია რუსთველური 16- მარცვლიანი შაირით. XVIII საუკუნის ქართველი პოეტი ქალი. 

წყარო: ქართული საბჭოთა ენციკლოპედია: ტ. 6.-თბ., 1983.-გვ.402; საქართველო: ენციკლოპედია: ტ.5. -თბ.,2023. -გვ.508