თეიმურაზ მამალაძე

დაბადების ადგილი ქ. თბილისი.

დაამთავრა მოსკოვის სახელმწიფო უნივერსიტეტის იურიდიული ფაკულტეტი 1958 წელს.

მუშაობდა გაზეთებში - "ვეჩერნი თბილისი", "ზარია ვოსტოკა" ლიტერატურულ მუშაკად; გაზეთ "მოლოდიოჟ გრუზიის" რედაქტორის მოადგილედ (1964-1969), საკავშირო გაზეთ "კომსომოლსკაია პრავდას" კორესპონდენტად საქართველოში (1969-1972); 1978-1985წწ. იყო საქინფორმის დირექტორი; 1985-1990წწ. მუშაობდა სსრკ საგარეო საქმეთა მინისტრის თანაშემწედ საგანგებო და სრულუფლებიანი ელჩის რანგში; 1992 წლიდან ასრულებდა საქართველოს სახელმწიფო საბჭოს თავმჯდომარის, სახელმწიფო მეთაურის, პრეზიდენტის თანაშემწის მოვალეობას; 1994 წლიდან მოსკოვის გაზეთ "იზვესტიას" განყოფილების გამგე; 1998 წლიდან გაზეთ "ნოვიე იზვესტიას" პოლიტიკური მიმომხილველი; ავტორია რამდენიმე წიგნისა; სსრკ ჟურნალისტთა კავშირის, ჟურნალის - "დრუჟბა ნაროდოვ", "სმენა" - პრემიების ლაურეატი; მიღებული აქვს სახელმწიფო ჯილდოები.

წყარო: თბილისი: ენციკლოპედია.- თბ., 2002. - გვ.842-843; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.220

• 1999 - ღირსების ორდენი
  სახელმწიფოს აღმშენებლობაში შეტანილი თვალსაჩინო პირადი წვლილისათვის, ქვეყნისათვის უმძიმეს წლებში პოლიტიკური პუბლიცისტიკის დარგში მრავალმხრივი ნაყოფიერი მოღაწეობისათვის
• 1998 - ქ. თბილისის ერთგულების მედალი
• 1980 - საქართველოს დამსახურებული ჟურნალისტი