ასტამურ მარღანია

ცამეტი წლისა არც კი იყო, როცა ლოტბარ ივანე ლაკერბაისთან დაიწყო გუნდში მუშაობა, ხოლო 1926 წლიდან დამოუკიდებლად ხელმძღვანელობდა გუნდს; სოფელ ჯგერდის გუნდს ის კარგა ხანს უძღვებოდა; ხანდაზმული მომღერლებისაგან სწავლობდა სიმღერებს და შემდეგ გუნდში გადაჰქონდა; 1926 წლიდან ჯერ სკოლებში მასწავლებლობდა, ხოლო შემდეგ კარგა ხანს რაიონული განათლების განყოფილების გამგედ მუშაობდა; ნაყოფიერი და  წარჩინებული შრომისათვის მედლები ჰქონდა მიღებული; 1928 წლიდან იყო ოჩამჩირის მუშათა კლუბის მომღერალთა გუნდის ხელმძღვანელი, ხოლო შემდეგ სათავეში ჩაუდგა ოჩამჩირის სიმღერისა და ცეკვის რაიონულ ანსამბლს; რაიგანათლების განყოფილების გამგე ანსამბლში სამუშაოდ დროს პოულობდა, მრავალი აფხაზური, სვანური, მეგრული და ჩვენი ქვეყნის სხვა კუთხეების ხალხური სიმღერები შეასწავლა ანსამბლს; 1953-1954წწ. ტყვარჩელის მუშათა გუნდის ხელმძღვანელი, ხოლო 1954 წლიდან იყო სოხუმში აფხაზეთის სახელმწიფო ფილარმონიის მესვეური; ბოლო წლებში განსაკუთრებული მონდომებით უძღვებოდა ახლად ჩამოყალიბებული სოხუმის საოპერეტო თეატრის საქმიანობას; ლოტბარი.

 წყარო: http://chanting.ge/?page_id=7

• 1939 - საპატიო ნიშნის ორდენი
• აფხაზეთის ხელოვნების დამსახურებული მოღვაწე
• საქართველოს ხელოვნების დამსახურებული მოღვაწე