აკაკი ურუშაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1940 წელს.

1943 წლიდან პედაგოგიურ მოღვაწეობას ეწეოდა თბილისის სახელმწიფო უნივერსიტეტში. 1968 წლიდან იყო კლასიკური ფილოლოგიის კათედრის გამგე. იკვლევდა ბერძნულ-ქართული კულტურულ–ლიტერატურული და ენობრივი ურთიერთობის საკითხებს; ავტორია მნიშვნელოვანი გამოკვლევებისა კლასიკური ფილოლოგიის დარგში: "ძველი კოლხეთი არგონავტების თქმულებებში" (1964), "ქართული კულტურის კერა ბულგარეთში" (1969), "ბერძნულ-რომაული და ქართული მეტრიკის საკითხები" (1980). მასვე ეკუთვნის ბერძნულ-ლათინურენოვან ავტორთა თხზულებების თარგმანები გამოკვლევებითა და კომენტარებით: აპოლონიოს როდოსელის "არგონავტიკა" (1948; 1970), პლუტარქეს "რჩეული პარალელური ბიოგრაფიები" (I, 1987, 1974), ქსენოფონტის "მოგონებები სოკრატეზე" და "სოკრატეს აპოლოგია" (1973), ჰორაციუსის "პოეტური ხელოვნებისათვის" (1981) და სხვა. მეცნიერებათა დოქტორი (1964), პროფესორი (1966).

წყარო: ქართული საბჭოთა ენციკლოპედია: ტ.10-თბ., 1986.-გვ.182

• სკკპ, წევრი (1965-)

• 1979 - საქართველოს მეცნიერებათა დამსახურებული მოღვაწე

• ღირსება კაცისა (ავტორი). - თბილისი, ინტელექტი, 1997. - 111გვ.
• ქუთაისი ბერძნულ და რომაულ წყაროებში. 1 გამოკვლევა. 2. ბერძნულ-ლათინური ტექსტების ქართული თარგმანები შენიშვნებით (ავტორი). - თბილისი, თბილ. უნ-ტის გამ-ბა, 1993. - 128გვ.
• ანტიკური ლიტერატურის ისტორია (ავტორი). - თბილისი, თბილ. უნ-ტის გამ-ბა, 1988. - 90გვ.
• რა უნდა იცოდეს მაგნიტოჩანაწერების ფონდის მუშაკმა (ავტორი). - თბილისი, განათლება, 1988. - 51გვ.