თადეოზ სტეფანწმინდელი

თადეოზ სტეფანწმინდელი, თათა სტეფანწმინდელი, ერთერთი ასურელი მამა. ქართლში მოვიდა ანტიოქიიდან VI საუკუნის შუა წლებში იოანე ზედაზნელთან ერთად. ცხოვრობდა ზედაზნის მონასტერში. იქვე, ზედაზნის მთის ძირში, ააშენა მონასტერი. შემდეგ წლევის მთის მღვიმეში, ახლანდელი კასპის მახლობლად, დაუარსებია სტეფანწმინდის მონასტერი, სადაც დასაფლავებულია. მას მიეწერება აგრეთვე ურბნისში წმინდა სტეფანეს ეკლესიის აშენება. შერაცხილია წმინდანად. წმინდა თადეოზ სტეფანწმინდელი მოიხსენიება 7(20) მაისს ღირს იოანე ზედაზნელსა და მის ათორმეტ მოწაფეთა შორის.

წყარო: საქართველო: ენციკლოპედია: ტ.III.–თბ., 2014.-გვ.420