ვალერიან კანდელაკი

დაბადების ადგილი: სოფელი გამოჩინებული, სამტრედიის რაიონი.

დაამთავრა: ოზურგეთის სასულიერო სასწავლებელში 1892 წელს; იალტის (ყირიმი) ნიკიტის მებაღეობა-მევენახეობის სასწავლებელი 1903 წელს.

 1903-1905წწ. მუშაობდა იალტის  სხვადასხვა  ღვინის სარდაფში; შემდეგ ეწყობა მეღვინედ "მაგარაჩის" მახლობლად მდებარე "სულთამ" მამულის სარდაფში, სადაც იმ დროს მუშაობდა მისი ძმა ევგენი, რომელსაც ასევე დამთავრებული ჰქონდა ნიკიტის სასწავლებელი. ვ. კანდელაკმა, ე. კანდელაკმა და ნ. სმირნოვმა 1916 წელს ერთად დაარსეს ღვინის კომპანია "ვ. ა. კანდელაკი და კომპანია", სადაც ღვინოსთან ერთად მზადდებოდა საფირმო შამპანური სახელწოდებით "ზანდო". არის ავტორი მრავალი ქართული ღვინისა მათ შორის სუფრის სამარკო ღვინოების: "მანავის მწვანე",  "ყვარელი 50", იკემის ტიპის - "მჭკნარა", "მოტკბო". აგრეთვე შექმნა პორტვეინის ტიპის ღვინოები "საამო", "კარდანახი", მადერის ტიპის ღვინო "ანაგა", ლიქიორის ტიპის ღვინო "სალხინო", უნგრული ტოკაის ტიპის ღვინო "ხიხვი" (იგივე ჯანანური), სადესერტო "აფხაზეთის თაიგული" და სხვ. მის მიერ შექმნილ ღვინოებს მსოფლიო დეგუსტაციებზე მიღებული აქვთ მრავალი ოქროს, ვერცხლის და ბრინჯაოს მედლები. ქართული მეღვინეობის ერთ-ერთი ფუძემდებელი, რომელმაც მიმართულება მისცა მეღვინეობის განვითარებას საქართველოში.

 წყარო: ქართული საბჭოთა ენციკლოპედია: ტ. 5.- თბ., 1980.- გვ. 364; საქართველო: ენციკლოპედია: ტ. IV. -თბ., 2018.-გვ. 512; გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები/ ალექსანდრე ქურდაძე.-თბ.,1999. - გვ.80-81

• საპატიო ნიშნის ორდენი
• შრომის წითელი დროშის ორდენი