დავით ფანჩულიძე

დაბადების ადგილი: ქ. საჩხერე.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1939 წელს.

1942 წლიდან თბილისის უნივერსიტეტში კითხულობდა ლექციების კურსს ფრანგულ და დასავლეთ ევროპის ლიტერატურის ისტორიაში. სხვადასხვა დროს მუშაობდა თბილისის უცხო ენათა პედაგოგიურ ინსტიტუტში, საქართველოს კპ ცკ-ის მხატვრული ლიტერატურის, ხელოვნებისა და კინოს სექტორის გამგედ. ეკუთვნის ნაშრომები: "წერილები ლიტერატურაზე" (1950), "ვიქტორ ჰიუგო" (1951), "ფრანგი მწერლები" (1960), "ქართულ-ფრანგული ლიტერატურული ურთიერთობის ისტორიისათვის" (1969), "ნარკვევები ფრანგული ლიტერატურის ისტორიიდან (1974), "აკაკი წერეთელი საფრანგეთში" (1980) და სხვა. ფილოლოგიის მეცნიერებათა დოქტორი (1966), პროფესორი (1970). მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.10-თბ., 1986.-გვ.218

• სკკპ, წევრი (1941-)

• 1979 - საქართველოს მეცნიერებათა დამსახურებული მოღვაწე