სიმონ კანდელაკი

დაბადების ადგილი: სოფელი კულაში, სამტრედიის რაიონი. 

დაამთავრა იურიევის (ტარტუს) უნივერსიტეტის სამედიცინო ფაკულტეტი 1913 წელს.

1921-1938 წლებში იყო ს. ვირსალაძის სახელობის ტროფიკული მედიცინის სამეცნიერო-კვლევითი ინსტიტუტის დირექტორი; 1930-1942 წლებში ხელმძღვანელობდა ტროფიკულ სნეულობათა კათედრას თბილისის სამედიცინო ინსტიტუტში, ხოლო 1935-1938 წლებში ამავე კათედრას (შეთავსებით) ექიმთა დახელოვნების ინსტიტუტში; ს. კანდელაკი ძირითადად სწავლობდა ტროფიკული მედიცინის პრობლემებს: დაასაბუთა მალარიასთან ბრძოლაში ზოოპროფილაქტიკის წამყვანი როლი; შემოიღო სპლენომეტრიის ორიგინალური მეთოდი; სსრკ-ში პირველმა ეფექტურად გამოიყენა მალარიის საწინააღმდეგო ღონისძიებათა კომპლექსური მეთოდი; საქართველოში საფუძველი ჩაუყარა ლეიშმანიოზის ნოზოგეოგრაფიას; აღმოაჩინა ვისცერული ლეიშმანიოზის გადამტანის ახალი სახეობა, აგრეთვე ამიერკავკასიის ტკიპისმიერი სპიროქეტოზი და მისი გამომწვევი სპიროქეტა, რომლებსაც ს. კანდელაკის სახელი ეწოდა. მედიცინის მეცნიერებათა დოქტორი (1936), პროფესორი (1936). პარაზიტოლოგი (მალარიოლოგი). 

წყარო: ქართული საბჭოთა ენციკლოპედია: ტ. 5.- თბ., 1980.- გვ. 365; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.621-623

• 1941 - საქართველოს მეცნიერებათა დამსახურებული მოღვაწე

• ექსპერიმენტალური ლეიშმანიოზები (ავტორი). - ტფილისი, სახელგამის სამეცნიერო სექტორის გა-მა, 1936. - 194გვ.
• Опыт оздоровления злостно-малярийной местности (ავტორი). - Тф., Здравотдел Тифлисского исполкома, 1927. - 27с.
• ავადმყოფობა Pappataci და კოღო Phlebotomus საქართველოს და მის მეზობელ ქვეყნებში : 12 სურათით (ავტორი). - ტფილისი, სახელგამის სამეცნიერო სექტორის გა-მა, 1920. - 46გვ.