ქეთევან კანდელაკი

დაბადების ადგილი: ქ. თბილისი.

დაამთავრა თბილისის სამედიცინო ინსტიტუტის სამკურნალო ფაკულტეტი 1942 წელს.

1946-1957 წლებში მუშაობდა ამავე ინსტიტუტის კლინიკური და ბიოქიმიური ლაბორატორიების გამგედ. 1966 წლიდან ექიმთა დახელოვნების ინსტიტუტის თერაპიის კათედრის პროფესორი, 1976 წლიდან კი ამავე ინსტიტუტში მის მიერვე დაარსებული ნეფროლოგიის კურსის ხელმძღვანელია. შეისწავლა ძვლის ტვინის ენდოგენური სტიმულატორების ერითროპოეტინების გავლენა ანემიის განვითარებაზე ზოგიერთი შინაგანი სნეულობის დროს. მის კალამს ეკუთვნის ორჯერ გამოცემული მონოგრაფია "ლაბორატორიული ტექნიკა".  მედიცინის მეცნიერებათა დოქტორი (1968), პროფესორი (1968). თერაპევტი.

წყარო: ქართული საბჭოთა ენციკლოპედია: ტ. 5.- თბ., 1980.- გვ. 365; საქართველო: ენციკლოპედია: ტ. IV. -თბ., 2018.-გვ. 516; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.700

• 1976 - საქართველოს მეცნიერებათა დამსახურებული მოღვაწე