დომენტი ქორიძე

1946-1970წწ. იყო აკადემიკოს ს. ჯანაშიას სახ. საქართველოს სახელმწიფო მუზეუმის თანამშრომელი; მონაწილეობდა მცხეთა-სამთავროს (1939-1940წწ., 1946-1948წწ., 1950წ.), ურბნისის არქეოლოგიურ ექსპედიციებში (1956-1957წწ.), ხელმძღვანელობდა ღრმაღელის, ნავთლუღისა (1950-1951წწ.) და ნოსირის (1967-1970წწ.) არქეოლოგიურ გათხრებს; მუშაობდა საქართველოში ბრინჯაოს ხანის მეტალურგიის საკითხებზე; იკვლევდა თბილისის არქეოლოგიურ ძეგლებს; 12 სამეცნიერო ნაშრომის და 2 მონოგრაფიის ავტორი, მეორე მსოფლიო ომის მონაწილე, ჩოხატაურის რაიონის სოფელ ნაბეღლავის მკვიდრი; ისტორიის მეცნიერებათა კანდიდატი (1955).

წყარო: თბილისი: ენციკლოპედია.- თბ., 2002. - გვ.898

• კოლხური კულტურის ისტორიისათვის : არქეოლოგიური მასალების მიხედვით (ავტორი). - თბილისი, მეცნიერება, 1965. - 167გვ.
• მატერიალური კულტურის უძველესი ძეგლები : საჩხერის რაიონი (ავტორი). - თბილისი, საქ. სსრ მეცნ. აკად გამ-ბა, 1961. - 137გვ.
• თბილისის არქეოლოგიური ძეგლები (ავტორი) // ნაწ. 2 : ძველი წელთაღრიცხვის პირველი ათასწლეულის დასაწყისი, ახალი წელთაღრიცხვის პირველი ათასწლეულის შუა ხანები. - თბილისი, საქ. სსრ მეცნ. აკად გამ-ბა, 1958. - 108გვ.
• თბილისის არქეოლოგიური ძეგლები (ავტორი) // ნაწ. 1 : ენეოლითი-გვიანბრინჯაოს პერიოდი. - თბილისი, საქ. სსრ მეცნ. აკად გამ-ბა, 1955. - 236გვ.