ლევან ღუდუშაური

დაბადების ადგილი: სოფელი სნო, დაბა სატეფანწმინდა, ყაზბეგის მუნიციპალიტეტი.

დაამთავრა ამიერკავკასიის ინდუსტრიული ინსტიტუტის სამშენებლო ფაკულტეტი არქიტექტორის სპეციალობით 1939 წელს; საკავშირო უმაღლესი პარტიული სკოლა 1947 წელს (ქ. მოსკოვი).

სპორტსაზოგადოება "სტროიტელის" ცენტრალური საბჭოს პირველობის ორგზის ჩემპიონი მძიმე წონაში (1938, 1939); სპორტსაზოგადოება "დინამოს" ცენტრალური საბჭოს პირველობის ჩემპიონი ქვემძიმე წონაში (1944); სპორტული კარიერის პარალელურად აქტიურად მონაწილეობდა ქვეყნის საზოგადოებრივ ცხოვრებაში, იყო ხელმძღვანელთა რიგებში რუსთავის ახლად ჩამოყალიბებული ავტომატიკის კვლევით ინსტიტუტში, კითხულობდა ლექციებს საქართველოს პარტიულ სკოლაში; მნიშვნელოვანია მისი ღვაწლი ახალგაზრდა თაობის აღზრდაში; მისი უშუალო მონაწილეობითა და ინიციატივით საბჭოთა კავშირის მასშტაბით პირველად საქართველოში გაიხსნა სპორტული სკოლა-ინტერნატი, რომელსაც იგი წლების განმავლობაში ედგა სათავეში; როგორც მეორე მსოფლიო ომის მონაწილეს მიღებული აქვს მთავრობის ჯილდოები; 16 წლიანი სპორტული კარიერის მანძილზე ჩატარებული აქვს 137 ბრძოლა რინგზე, რომელთაგან 9 ბრძოლა აქვს წაგებული; მისი სახელი შეტანილია "საქართველოს სპორტის ოქროს წიგნში". სპორტის სახეობა: კრივი.

წყარო: თბილისი: ენციკლოპედია.- თბ., 2002. - გვ.906

• საქართველოს კრივის ფედერაცია, თავმჯდომარე

• 1945 - სსრკ ჩემპიონი (გუნდურ პირველობაში)
• 1945 - სსრკ ჩემპიონი (ნახევრად მძიმე წონაში ინდივიდუალურ პირველობაში)
• საქართველოს დამსახურებული მასწავლებელი
• საკავშირო კატეგორიის მსაჯი
• სსრკ სპორტის დამსახურებული ოსტატი