მელქისედეკ I (საქართველოს კათალიკოს-პატრიარქი)

საქართველოს კათალიკოს-პატრიარქი 1010-1033 წლებში, ბაგრატ III-ის ახლო ნათესავი. მელქისედეკ I დიპლომატიური მიზნით არაერთხელ ყოფილა კონსტანტინოპოლში, ბიზანტიის იმპერატორის კარზე. მის სახელს უკავშირდება საქართველოში პატრიარქობის დაწესება. ზრუნავდა მცხეთის კათედრალის საპატრიარქოს გადიდება - გამშვენიერებასა და გამდიდრებისათვის. შემონახულია მის მიერ დაახლოებით 1031-1033 წლებში შედგენილი ანდერძი - "დაწერილი" (XII ს. პირი), რომელიც საუკეთესო წყაროა XI საუკუნის საქართველოს ეკონომიკის, სოციალურ-პოლიტიკური და კულტურული ისტორიის შესასწავლად. საქართვ. სამოციქულო ეკლესიის მიერ მ. I შერაცხულია წმინდანად. მისი ხსენების დღეა 1(14) ოქტომბერი.

წყარო: ქართული საბჭოთა ენციკლოპედია: ტ. 6.-თბ., 1983.-გვ.561;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge