სტეფანე მენთეშაშვილი

დაბადების ადგილი: სოფელი ქვემო მაჩხაანი, სიღნაღის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1930 წელს.

იყო საქართველოს სახელმწიფო მუზეუმის ეთნოგრაფიული განყოფილების თანამშრომელი (1931), ისტორიის განყოფილების გამგე (1941-1945); ფილოლოგიის მეცნიერებათა კანდიდატი (1945); მისი წერილებიდან მნიშვნელოვანია "კალოობა ქიზიყში"(1936), "კევრი" (1936), "აჭარის ეთნოგრაფიული მასალები" (1937), "ჰაემეტობა ინგილოურში"(1939), "მიცვალებულთა დამარხვისა და სამარეების ტერმინოლოგიისათვის" (1944), მანვე შემოიღო არქეოლოგიური ტერმინი "სამაროვანი". 1951 წლიდან იყო ენათმეცნიერების ინსტიტუტის ლექსიკოლოგიის განყოფილების გამგე, მონაწილეობდა "ქართული ენის განმარტებითი ლექსიკონის"(8 ტომულის მე-7 ტომის რედაქტორია) მომზადებაში. ლექსიკოლოგი.

წყარო: ქართული საბჭოთა ენციკლოპედია: ტ. 6.-თბ., 1983.-გვ.574  

• 1971 - საქართველოს სახელმწიფო პრემია (ერთობლივი გამარჯვება)

• ქიზიყური ლექსიკონი (ავტორი). - თბილისი, საქ. მეცნ. აკად. გამ-ბა, 1943. - 304გვ.