პავლე ფრანგიშვილი

დაბადების ადგილი: ქ. თბილისი.

1911 წლიდან გამოდიოდა ავჭალის აუდიტორიის მუშათა დრამატულ წრეში: აგრეთვე ხარფუხის, ნაძალადევის, ავლაბრის თვითმოქმედ დრამატულ წრეებში. 1913 წელს ჩაირიცხა თბილისის დრამატულ დასში. მუშაობდა აგრეთვე ქუთაისში, გორში. 1929-1939 და 1949-1958 იყო ჭიათურის, 1939-1949 კი - გორის თეატრის სამხატვრო ხელმძღვანელი. უმთავრესად ასრულებდა ჰეროიკულ-რომანტიულ როლებს: ხიმშიაშვილი (დ. ერისთავის "სამშობლო"), ოტელო (შექსპირის "ოტელო"), კარლ მოორი (შილერის "ყაჩაღები") და სხვა. დადგა სპექტაკლები: ა. წერეთლის "თამარ ცბიერი", ი. მოსაშვილის "ჩაძირული ქვები", ვ. კანდელაკის "მაია წყნეთელი", მ. ბარათაშვილის "ჭრიჭინა", ი. ვაკელის "შამილი", სოფოკლეს "ოიდიპოს მეფე", ს. კლდიაშვილის "ირმის ხევი" და სხვა. ავტორია წიგნებისა: "როგორ დავეუფლოთ სასცენო ხელოვნებას"(1955) და "რაც ვნახე და განვიცადე" (1963). 

წყარო: ქართული საბჭოთა ენციკლოპედია: ტ.10-თბ., 1986.-გვ.389; http://dspace.nplg.gov.ge/handle/1234/207982

• 1941 - საქართველოს სახალხო არტისტი

• როგორ დავეუფლოთ სასცენო ხელოვნებას (ავტორი). - თბილისი, ხელოვნება, 1955. - 58გვ.