რევაზ წულუკიძე

დაბადების ადგილი: ქ. ქუთაისი.

1943–1948წწ. სწავლობდა თბილისის ქორეოგრაფიულ სტუდიაში; დაამთავრა თბილისის სამხატვრო სასწავლებელი 1947 წელს, მოსკოვის ქორეოგრაფიული სასწავლებელი 1951 წელს.

1951–1956წწ. იყო მოსკოვის დიდი თეატრის საბალეტო დასის მოცეკვავე; 1956 წლიდან ზ. ფალიაშვილის სახელობის თბილისის ოპერისა და ბალეტის თეატრის საბალეტო დასის სოლისტი; 1958 წელს მოსკოვის ქართული ლიტერატურისა და ხელოვნების დეკადის მონაწილე; დადგმები, ქართული მუსიკალური კომედიები: შ. მილორავა "სიმღერა თბილისზე"(1969, პრემიერა), "გაბზარული ფირფიტა"(1970), ს. ცინცაძე "სიმღერა ტყეში"(1968, პრემიერა), ვ. აზარაშვილი "მეცხრე ტალღა"(1969); ქართული ბალეტები: გრ. კილაძე "სინათლე", მებრძოლთა ცეკვა(დ. თორაძე "გორდა", "მშვიდობისათვის"), ს. ცინცაძე "ცისფერი მთის საუნჯე"(1956), "პოემა"(1972), ა. ბალანჩივაძე "მწირი"(1964, პრემიერა), როდრიგო(ა. მაჭავარიანი "ოტელო"); სხვა რეპერტუარი: ავრორას კავალერი, ჩარდაში(ჩაიკოვსკი "მძინარე მზეთუნახავი", "გედების ტბა"), ყმაწვილი(ასაფიევი "ბახჩისარაის შადრევანი"), ესპანური ცეკვა(ჰერტელი "ამაო სიფრთხილე"), კრეინი "ლაურენსია"; მონაწილეობდა საოპერო სპექტაკლში, ზ. ფალიაშვილი "დაისი"; გასტროლები: ბერლინი, ჰელსინკი, კოპენჰაგენი, ინგლისი, ავსტრია, უნგრეთი, საფრანგეთი(თბილისის საბალეტო დასთან ერთად); ბალეტის მოცეკვავე, ლიბრეტისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 560

• 1951 - საერთაშორისო ფესტივალი(ბერლინი) დიპლომი