ვასილ თამამშევი

დაბადების ადგილი: ქ. ტფილისი.

დაამთავრა ტფილისის ქვეითი იუნკერთა სასწავლებელი 1878 წელს.

მონაწილეობდა რუსეთ-ოსმალეთის (1877-1878) ომში; ომის დროს მსახურობდა ოფიცრად 140-ე ქვეით პოლკში. 1882-1890წწ. მსახურობდა კავკასიის სამხედრო ოლქის ჯარების სარდალთან, დავალებათა ოფიცრად; 1899-1901წწ. - კავკასიის სამხედრო ოლქის ჯარების სარდალთან, დავალებათა ობერ-ოფიცერი; 1903-1909წწ. - კავკასიის სამხედრო ოლქის შტაბი და 1908 წლიდან, პარალელურად ტფილისის სახაზინო თეატრის დირექტორი. 1907 წლის 6 დეკემბერს მიენიჭა პოლკოვნიკის სამხედრო წოდება; 1909-1913წწ. მსახურობდა კავკასიის სამხედრო ოლქის მეფისნაცვალთან დავალებათა შტაბ-ოფიცრად; 1914-1917წწ. - კავკასიის მეფისნაცვალთან დავალებათა გენერალი და კავკასიის მეფისნაცვალთან პირველი მსოფლიო ომის სამხედრო მოქმედებათა თეატრიდან ლტოლვილთა მოწყობის სამმართველოს მთავარი რწმუნებული; 1916 წლიდან - კავკასიის არმიის მთავრსარდალთან დავალებათა გენერალი; 1910 წლიდან იყო ტფილისის გუბერნიის ციხეების მზრუნველთა კომიტეტის საპატიო წევრ-დირექტორი, ტფილისის საცხენოსნო საზოგადოების მმართველობის წევრი და კავკასიის სახვითი ხელოვნების საზოგადოების ვიცე-თავმჯდომარე; 1918 წლიდან იმყოფებოდა ემიგრაციაში, საფრანგეში. საბრძოლო დამსახურებისათვის და სამსახურში წარჩინებისათვის დაჯილდოებული იყო ორდენებით, მათ შორის სპარსეთის "ლომისა და მზის" I ხარისხის ორდენი, 1891 - იტალიის "გვირგვინის" კავალერთა ჯვარი (1891), ბუხარის "ამომავალი მზის" II ხარისხის ორდენი (1893). გენერალ-მაიორი (1913).

წყარო: საქართველო: ენციკლოპედია: ტ.III.–თბ., 2014.-გვ.455; სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.66

• 1912 - წმინდა ანას II ხარისხის ორდენი
• 1910 - წმინდა სტანისლავის II ხარისხის ორდენი
• 1908 - წმინდა ვლადიმირის IV ხარისხის ორდენი
  25-წლიანი უმწიკვლო სამსახურისთვის
• 1888 - წმინდა სტანისლავის III ხარისხის ორდენი