The National Library of Georgia Home - About Library - E-Resources 
  Login
Biographical Dictionary  
English   Georgian
HomeCategories  
Search
Person Name:

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography
Correction

რეზო ჭანიშვილი

რეზო ჭანიშვილი
Legal name:ლაუზ ჭანიშვილი
Date of birth:21 June, 1937  (87 years)
Category:Dancer, Educator, Choreographer

Biography

დაბადების ადგილი: ქ. ქობულეთი.

დაამთავრა თბილისის კულტსაგანმანათლებლო სასწავლებელი (პედაგოგი კ. მანჯგალაძე) 1963 წელს; შოთა რუსთაველის სახელობის ბათუმის პედაგოგიური ინსტიტუტი 1970 წელს.

ცეკვა დაიწყო აჭარის მოსწავლე - ახალგაზრდობის სასახლეში გ. ჩიხლაძის ხელმძღვანელობით; გამოდიოდა ბათუმის კულტურის სახლთან არსებულ ცეკვის ანსამბლში; 1955–1956 წლებში იყო აჭარის სიმღერისა და ცეკვის ანსამბლის, ქართული ცეკვის თვითმოქმედი ანსამბლის (ქორეოგრაფი გ. დარახველიძე) მსახიობ - მოცეკვავეა; 1963–1970 წლებში იგი ხელმძღვანელობდა ბათუმის შოთა რუსთაველის სახ. სახელმწიფო პედინსტიტუტის ცეკვის ანსამბლს, პარალელურად მუშაობდა ბათუმის სხვადასხვა ანსამბლში, მოსწავლე – ახალგაზრდობის კულტურის სახლის ხელმძღვანელად და მთავარ ქორეოგრაფად, ასევე აჭარპროფკავშირის კულტურის სახლის დირექტორი და მასთან არსებული სიმღერისა და ცეკვის სახელმწიფო სკოლა–სტუდიის დირექტორი და მასთან არსებული სიმღერისა და ცეკვის ანსამბლის მთავარი ქორეოგრაფი იყო; 1974 წლიდან კი თბილისის ხალხური ცეკვის სახელმწიფო სკოლა–სტუდიის დირექტორის მოადგილე და ცეკვების დამდგმელია; 1975–1978 წლებში თბილისის საქალაქო, რესპუბლიკური, საერთაშორისო ღონისძიებების მთავარი ქორეოგრაფი; 1978–1980 წლებში დამასკოში მივლინებული სირიის ცეკვის სახელმწიფო ანსამბლის კონსულტანტია; 1980–1983 წლებში ლოტბარ ჯ. ჭკუასელთან ერთად საფუძველი ჩაუყარა ქუთაისის სიმღერისა და ცეკვის ანსამბლს. აქვე, 1981 წელს დააარსა ცეკვის სახელმწიფო სკოლა–სტუდია, რომლის პირველი დირექტორი იყო; 1983 წელს მან მუშაობა დაიწყო თბილისის პიონერთა და მოსწავლეთა სასახლეში, სადაც დააარსა ქორეოგრაფიული ანსამბლი "მერანი", რომელმაც 30–მდე ქვეყანა მოიარა და  მრავალი ფესტივალისა და კონკურსის ლაურეატი გახდა. ჭანიშვილი საქართველოს ქორეოგრაფიის მოღვაწეთა კავშირის ერთ–ერთი დამფუძნებელია. წლების მანძილზე ამ კავშირის თავმჯდომარის პირველი მოადგილეა. თბილისის ე. თაყაიშვილის სახ. კულტურისა და ხელოვნების უნივერსიტეტის პროფესორი და უნივერსიტეტთან არსებული ფოლკლორის კომპლექსური კვლევის სამეცნიერო ცენტრის ხელმძღვანელია; დამდგმელია ცეკვებისა ბათუმის, ქუთაისისა და თბილისის დრამატულ თეატრებსა და კინოფილმებში. გამოქვეყნებული აქვს მონოგრაფიები, არის სამეცნიერო შრომების ავტორი. ჰელსინკში გამართული ახალგაზრდობისა და სტუდენტთა მსოფლიო ფესტივალის ლაურეტი (1962), ქართული ხალხური ცეკვების ინდივიდუალურ შემსრულებელთა რესპუბლიკური კონკურსში ცეკვა "ქართულის შესრულებისთვის ოქროს მედლის მფლობელი (1972). ქორეოგრაფ - ქორეოლოგი, ხელოვნებათმცოდნეობის დოქტორი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ.566; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.337; 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.63

Awards and Honors

  • 1997 - ღირსების ორდენი
  • 1996 - ღირსების მედალი
    მოსწავლე ახალგაზრდობის აღზრდისა და ქართული კულტურის განვითარების საქმეში მიღწეული წარმატებისათვის
  • 1980 - საქართველოს ხელოვნების დამსახურებული მოღვაწე

Bibliography

Share: