აკაკი ჩხაიძე

დაბადების ადგილი: ქ. ლანჩხუთი.

დაამთავრა საქართველოს პოლიტექნიკური ინსტიტუტი რკინიგზის სატრანსპორტო ფაკულტეტი სპეციალობით 1975 წელს.

1975-1980წწ. სხვადასხვა თანამდებობაზე მუშაობდა ამიერკავკასიის რკინიგზის თბილისის განყოფილებაში; 1980-1985წწ. იყო აღმოსავლეთ ციმბირის რკინიგზის სამმართველოს მოძრაობის სამსახურის უფროსის მოადგილე; 1985-1988წწ. - ამიერკავკასიის რკინიგზის მოძრაობის სამსახურის სახეობრივი დატვირთვის განყოფილების უფროსი და მოძრაობის სამსახურის უფროსის პირველი მოადგილე; 1988-1992წწ. მუშაობდა საქართველოს ტექნიკური უნივერსიტეტის ვაგონმშენებლობის, სავაგონო მეურნეობის და სარკინიგზო ტრანსპორტზე გადაზიდვების პროცესების მართვის კათედრის გამგედ; 1994-1995წწ. იყო საქართველოს სახელმწიფო მეთაურის მთავარი სახელმწიფო მრჩეველი; 1995-1998წწ. - საქართველოს რკინიგზის დეპარტამენტის თავმჯდომარე და საქართველოს ტრანსპორტის საკოორდინაციო საბჭოს თავმჯდომარე; 1995-2003წწ. წლიდან შპს "საქართველოს რკინიგზის" გენერალური დირექტორი; 1993-2004წწ. საქართველოს ტექნიკური უნივერსიტეტის სატრანსპორტო ფაკულტეტის რკინიგზის გადაზიდვების კათედრის გამგე; 2006 წლიდან არის საერთაშორისო გადაზიდვების ექსპერტი. დიდი წვლილი მიუძღვის საქართველოს რკინიგზის აღორძინების საქმეში; მისი უშუალო თაოსნობით თბილისში აშენდა ახალი, ევროპული დონის სპორტკომპლექსი (გაიხსნა 2001 წლის 26 მაისს), რომლის შემადგენლობაშია "ლოკომოტივის" სტადიონი; რკინიგზის გზათა მიმოსვლის ექსპლუატაციის ინჟინერი; ტექნიკურ მეცნიერებათა დოქტორი (1995), პროფესორი (1996); უილმინგტონის (აშშ) უნივესიტეტის პროფესორი (2000).

წყარო: თბილისი: ენციკლოპედია.- თბ., 2002.-გვ.939; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.154; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.278

• ევროპის სატრანსპორტო აკადემია, აკადემიკოსი
• საქართველოს საინჟინრო აკადემია, წევრი (1998-)

• 2002 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1998-2000 წლებში შესრულებული სამუშაოსათვის - "მუდმივი დენის ოთხღერძიანი მაგისტრალური ელმავლის შექმნა და სერიულ წარმოებაში დანერგვა"
• 2001 - ვახტანგ გორგასლის II ხარისხის ორდენი
• 1997 - ღირსების ორდენი
• საქართველოს საპატიო რკინიგზელი (ორგზის)
• საქართველოს დამსახურებული ინჟინერი