ნუნუ ჭელიძე

დაბადების ადგილი: ქ. თბილისი.

დაამთავრა ქუთაისის მუსიკალური სასწავლებელი(საფორტეპიანო), ვანო სარაჯიშვილის სახელობის თბილისის სახელმწიფო კონსერვატორია 1969 წელს(საფორტეპიანო).

1971–1993წწ. იყო საქართველოს რადიოსა და ტელევიზიის სიმფონიური ორკესტრის პიანისტი; 1973–1998წწ. რუსთავის მუსიკალური სასწავლებლის პედაგოგი(ფორტეპიანო, მეთოდიკა), 1996 წლიდან რუსთავის ჯ. კახიძის სახელობის მუსიკალური სკოლის პედაგოგი(ფორტეპიანო), 1991–2008წწ. რუსთავის მუსიკალური საზოგადოების თავმჯდომარე; 1998 წლიდან ბათუმის ხელოვნების ინსტიტუტის პედაგოგი(მუსიკის ისტორია); 1993–2002წწ. ვანო სარაჯიშვილის სახელობის თბილისის სახელმწიფო კონსერვატორიის მეთოდიკისა და პედაგოგთა მომზადების კათედრის მეცნიერ თანამშრომელი, დოცენტი; 2002–2014წწ. კონსერვატორიის ჩასაბერ საკრავთა კათედრის კონცერტმაისტერი; 1983 წელს დააარსა საფორტეპიანო დუეტი(მ. მშვილდაძესთან ერთად); ეწევა საკონცერტო მოღვაწეობას; საქართველოს XX საუკუნის საფორტეპიანო (სოლო, საფორტეპიანო დუეტები) მრავალი ნაწარმოების პირველი შემსრულებელი და პროპაგანდისტი; ქართული რეპერტუარი: ვ. აზარაშვილი, რ. გაბიჩვაძე, ო. გორდელი, რ. ლაღიძე, ს. ნასიძე, ს. ცინცაძე, საფორტეპიანო დუეტები, აგრეთვე ს. ცინცაძის საფორტეპიანო პრელუდიები, ვ. აზარაშვილი(საქართველოს მაშტაბით 40 საიუბილეო კონცერტი), შ. მშველიძე(IV სიმფონიაში ორკესტრში საფორტეპიანო პარტია), სხვა რეპერტუარი: დასავლეთ ევროპის, რუსული კლასიკური და XX საუკუნის საფორტეპიანო მუსიკა, მათ შორის: ჰინდემიტი "Ludus tonalis"(2006, პირველი შესრულება საქართველოში), მესიანი "ჩიტების კატალოგი", "ამინთა ხილვანი", "ჰარავი", "ყრმა იესოს 20 მზერა", შტოკჰაუზენი "Klaviershtuk", აივზი "3 მეოთხედტონიანი L პიესა"; პიანისტი, კონცერტმაისტერი, ხელოვნებათმცოდნეობის კანდიდატი.

საკანდიდატო დისერტაციის თემა – "XX საუკუნის მუსიკის ათვისების თავისებურებები. XX საუკუნის საფორტეპიანო მუსიკა", დაიცვა 1990 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 567