ალექსანდრე ჯაბადარი

დაბადების ადგილი: ქ. საგარეჯო.

თბილისის გიმნაზიის დამთავრების შემდეგ სწავლობდა პეტროვსკოე-რაზუმოვსკის სამიწათმოქმედო და სატყეო აკადემიაში (ახლანდელი მოსკოვის ტიმირიაზევის სახელობის სასოფლო-სამეურნეო აკადემია).

სტუდენტთა რევოლუციურ მოძრაობაში მონაწილეობისათვის გაირიცხა აკადემიიდან. XIX საუკუნის 90-იანი წლებიდან თანამშრომლობდა ქართულ ჟურნალ-გაზეთებში; 1827 წელს მისი თაოსნობით დაარსდა "წიგნის გამომცემელ ქართველთა ამხანაგობა", მანვე გახსნა წიგნსაცავი-სამკითხველო ახალგაზრდობისათვის, აგრეთვე მოაწყო სტამბა და ცინკოგრაფია; გამოსცა ქართველ კლასიკოსთა თხზულებები; იყო ჟურნალ "მოამბის" დროებითი რედაქტორი (№№ 5-9) და საგამომცემლო საზოგადოების თავმჯდომარე (1894-1895); გაზეთ "ცნობის ფურცლისა" და მისი ყოველკვირეული "სურათებიანი დამატების" რედაქტორ-გამომცემელი (1901-1906). მისი მემუარები დაიბეჭდა ჟურნალ "მნათობში" (1934, №1-6). ქართველი საზოგადო მოღვაწე, რევოლუციონერი, რედაქტორ-გამომცემელი. ალექსანდრე ჯაბადარმა თავისი მდიდარი და იშვიათი ბიბლიოთეკა სიცოცხლეშივე თბილისის სახელმწიფო უნივერსიტეტს გადასცა. კომპოზიტორ ერეკლე (ირაკლი) ჯაბადერის მამა.

წყარო: ქართული საბჭოთა ენციკლოპედია, ტ. 11.- თბ., 1987.- გვ. 522; კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.585