სეხნია ჩხეიძე

ქართლის სამეფო კარის მოლარეთუხუცესი. მისი საისტორიო თხზულება "ცხოვრება მეფეთა" მოიცავს 1653-1739 წწ. პერიოდის ქართლ-კახეთის მეფეთა თავგადასავალს; ვახტანგ VI-ის თავგადასავლის გადმოცემისას საინტერესო ცნობებს გვაწვდის თბილისის დაუფლებისათვის კონსტანტინე კახთა მეფის (მაჰმადყული-ხანის) სამხედრო ღონისძიებების შესახებ, რომლებიც ყიზილბაშთა დახმარებითა და ჭარელი ლეკების დაქირავებული რაზმებით იბრძოდა; ვახტანგის მარცხის ერთ-ერთ მიზეზად მემატიანე ქართლის მეფის მხრივ ძალთა რეალური თანაფარდობის შეუფასებლობას ასრულებს; ძრახავს კონსტანტინე კახთა მეფეს თბილისის "აოხრებისათვის": კახი ბატონი შეუხდა ქალაქსა, ააოხრა, ამოსწყვიდნეს მოქალაქენი, აიკლეს საქონელი ურიცხვი, შეუხდენ სიონსა, დასწვეს, შეადგინეს სიწმინდე, ხატი პატიოსნისა სიონთა ღუთის-მშობელი წაიღეს, დღესაც არ ვიცით რა უყვეს".

წყარო: თბილისი: ენციკლოპედია.- თბ., 2002.-გვ.941; http://qim.ge/sexnia%20chxeidze.html