რომან ჭოხონელიძე

დაბადების ადგილი: სოფელი ტბეთი, ამბროლაურის რაიონი.

დაამთავრა თბილისის ქართული ცეკვის სტუდია 1921 წელს, თბილისის სახელმწიფო უნივერსიტეტი(ეკონომიური).

1938–1939წწ. და 1946–1953წწ. იყო საქართველოს სიმღერისა და ცეკვის ანსამბლის სოლისტი; 1948–1979წწ. თბილისის სახელმწიფო უნივერსიტეტის ქორეოგრაფიული ანსამბლის ხელმძღვანელი; 1959–1960წწ. ჩრდილოეთ ოსეთის ცეკვის სახელმწიფო ანსამბლის სამხატვრო ხელმძღვანელი; 1952 წლიდან  თბილისის პიონერთა სასახლის მთავარი ქორეოგრაფი; ხელმძღვანელობდა ანსამბლს "ცისარტყელა"; რეპერტუარი, ვანო სარაჯიშვილის სახელობის თბილისის სახელმწიფო კონსერვატორიის საოპერო სტუდია: დ. არაყიშვილი "თქმულება შოთა რუსთაველზე" (1966), ზ. ფალიაშვილის სახელობის თბილისის ოპერისა და ბალეტის თეატრი: ზ. ფალიაშვილი "დაისი", ვ. დოლიძე "ქეთო და კოტე", დ. არაყიშვილი "თქმულება შოთა რუსთაველზე", ვლადიკავკაზში: ვ. დოლიძე "ქეთო კოტე"; ქართული ხალხური ცეკვების დადგმა: "ყაზბეგური", "აფხაზური", "ცერული", "კინტოური", "დავლური", "სამაია", "სამთა ლირიკული", "შეჯიბრი"; შექმნა მრავალი საბავშვო სიუჟეტური ცეკვა; ავტორია მეთოდური ნაშრომებისა ბავშვთა ქორეოგრაფიული აღზრდის საკითხებზე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 572

• 1981 - საქართველოს სახალხო არტისტი
• 1969 - ჩრდილოეთ ოსეთის ხელოვნების დამსახურებული მოღვაწე