რომან მიმინოშვილი

დაბადების ადგილი: სოფელი სუჯუნა, აბაშის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1952 წელს და ასპირანტურა 1955 წელს.

1958 წლიდან იყო შოთა რუსთაველის სახელობის ქართული ლიტერატურის ინსტიტუტის უფროსი მეცნიერ თანამშრომელი; 1974 წლიდან საქართველოს კპ ცენტრალური კომიტეტის  კულტურის განყოფილების გამგის მოადგილეა; პირველი ლექსი 1945 წელს გამოაქვეყნა, პირველი წიგნი "ელადის მუზა" (ანტიკური ბერძნული პოეზიის ანთოლოგია) -1963 წელს; მასვე ეკუთვნის ნაშრომები "იოანე დამასკელის "გარდამოცემის" ქართული თარგმანები" (1966), "მოძმე ლიტერატურათა მეგობრობა" (1972, რუსულ ენაზე; თანაავტორი ი. ბოგომოლოვი), "გვიამბობს მოხუცი ჰომეროსი" (1978), იუმორისტულ ნაწარმოებთა კრებული "ბურთი ჩვენი არსობისა" (1970); ქართულად თარგმნა ვერგილიუსის "ენეიდა" (1976) და ჰომეროსის "ილიადა" (1979); საქართველოს რესპუბლიკის სახელმწიფო საბჭოს წევრი (1992); 1992-1995წწ. საქართველოს მე-3 მოწვევის პარლამენტის წევრი, საარჩევნო ბლოკი: "სრულიად საქართველოს აღორძინების კავშირი", საარჩევნო ფორმა: პარტიული სიით; 1995-1998წწ. საქართველოს მე-4 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარჩევნო ფორმა: პარტიული სიით. უფლებამოსილება შეუწყდა გარდაცვალების გამო. მრავალი სამეცნიერო ნაშრომის, მონოგრაფიების ავტორი. ფილოლოგიის მეცნიერებათა დოქტორი (1968).

წყარო: ქართული საბჭოთა ენციკლოპედია: ტ. 6.-თბ., 1983.-გვ.702; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ.256

• საქართველოს მე-3 მოწვევის პარლამენტი, წევრი (1992-1995)
• საქართველოს მე-4 მოწვევის პარლამენტი, წევრი (1995-1998)
• საქართველოს მე-4 მოწვევის პარლამენტის განათლების, მეცნიერებისა და კულტურის კომიტეტი, თავმჯდომარე (1995-1998)
• საქართველოს მწერალთა კავშირი, გამგეობის მდივანი (1981-)
• სკკპ, წევრი (1953-)

• 1994 - ივანე მაჩაბლის სახელობის პრემია

• იოანე დამასკელის "გარდამოცემის" ქართული თარგმანები (ავტორი). - თბილისი, ლოგოსი, 2006. - 377გვ.. - ISBN: 99940-31-16-3
• რამდენი მტერი ჰყავს საქართველოს?! : პუბლიცისტური წერილები (ავტორი). - თბილისი, 1990. - 367გვ.
• სიმართლე აფხაზეთზე : 1989 წლის 15-16 ივლისის ტრაგედიის შესახებ (ავტორი). - თბილისი, მერანი, 1990. - 119გვ.
• ჰომეროსის სამყარო (ავტორი). - თბილისი, ნაკადული, 1988. - 278გვ.