ალექსი მინდაძე

დაბადების ადგილი: სოფელი ერკეთი, ოზურგეთის რაიონი. 

დაამთავრა თბილისის სამედიცინო ინსტიტუტის სამკურნალო ფაკულტეტი 1932 წელს.

1942 წელს მონაწილეობდა დიდ სამამულო ომში; 1943-1945 წლებში იყო საქართველოს სსრ ჯანდაცვის სამინისტროს სამკურნალო-პროფილაქტიკური სამმართველოს უფროსი; 1945-1949 წლებში საქართველოს სსრ ჯანდაცვის მინისტრის I მოადგილე; 1954-1966 წლებში თბილისის სახელმწიფო სამედიცინო ინსტიტუტის ნერვულ სნეულებათა კათედრის პროფესორი; 1966 წლიდან ამავე კათედრის გამგე იყო. იგი შეისწავლიდა ნერვული სისტემის ინფექციურ, ტრამვულ და სისხლძარღვოვან პათოლოგიურ პრობლემებს. ფართოდ იყენებდა კვლევის ფიზიოლოგიურ მეთოდებს. აღწერა ახალი სიმპტომი ლუმბო-საკრალური რადიკულიტის დროს და სხვა. ექიმისა და პოეტის ბიძინა მინდაძის მამა. ნევროპათოლოგი, მედიცინის მეცნიერებათა დოქტორი (1949), პროფესორი (1954).

წყარო: ქართული საბჭოთა ენციკლოპედია: ტ. 6.-თბ., 1983.-გვ.708; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.176-177; კლინიკური ნევროლოგიის ერთ-ერთი ფუძემდებელი საქართველოში : მოგონებები / ალექსი მინდაძე, ხუტა პაჭკორია // ავერსი.-თბილისი, 2021.-N 10(193).-გვ. 64-66

• სკკპ , წევრი (1939-)

• 1967 - საქართველოს მეცნიერებათა დამსახურებული მოღვაწე
• საპატიო ნიშნის ორდენი

• პერიფერიული ნერვული სისტემა : გამოკვლევის მეთოდები, დაზიანების სემიოოლოგია და ტოპიკური დიაგნოსტიკა (თანაავტორი) // ნაწ. 2. წ. 2. - თბილისი, საბჭ. საქართველო, 1968. - 293გვ.
• ტრავმული ეპილეფსია (ავტორი). - თბილისი, საქმედგამი, 1950. - 299გვ.